SQO-da aıazǵa baılanysty bastaýysh synyp oqýshylary qashyqtan oqıdy

PETROPAVL. KAZINFORM – Soltústik Qazaqstan oblysynda qatty aıazǵa baılanysty 0-4 synyp oqýshylarynda mektepte sabaq bolmaıdy.

Soltústik Qazaqstan oblysynyń tótenshe jaǵdaılar departamenti eskertý jarııalady. Qazir óńirde aýa temperatýrasy -25 gradýs, alaıda jeldiń áserinen -35 gradýs sııaqty seziledi.

Esterińizge sala keteıik, buǵan deıin antıtsıklon áserinen atalǵan óńirde osy úsh kún boıy qatty aıaz turatyndyǵyn jazǵan bolatynbyz. Sınoptıkterdiń boljamynsha, kúndiz -30 gradýsqa deıin jetedi dep boljanyp otyr.

Sondaı-aq boranǵa baılanysty Qazaqstannyń 11 oblysynda joldar jabyldy. Polıtsııa kúsheıtilgen tártipte jumys istep jatyr.