SQO-da aıazdy kúnderde 15 adam jolda qalyp qoıdy
PETROPAVL. QazAqparat - Soltústik Qazaqstan oblysynda polıtsııa qyzmetkerleri úsh kún ishinde jolda qalyp qoıǵan 15 azamatqa kómek kórsetti, dep habarlaıdy «QazAqparat» HAA tilshisi SQO ІІD baspasóz qyzmetine silteme jasap.
Aqqaıyń aýdanynda Şýchınsk qalasynyń turǵyndary kóligi buzylyp, aıazdy kúnde jolda qalyp qoıǵan. Jol-patrýl polıtsııasynyń qyzmetkerleri Rústem Ókenov pen Almaz Qazbıkenov olardy Rýblevka aýylyna jetkizip saldy.
Qorǵannan Bishkekke bara jatqan Reseı azamatynyń mashınasy buzylyp, birneshe saǵat boıy jolda turǵan. Oǵan JPQ jol-patrýl polıtsııasy batalony komandıriniń orynbasary Ýálıhan Orazalın kómekke keldi.
Esil aýdanynda ýchaskelik ıspektor Qaırat Naǵımetovke Cherýnovka aýylynyń turǵyny joldaǵy 20 jastaǵy týysynan baılanys úzilip qalǵanyn aıtyp habarlasty. Jedel izdestirý sharalarynyń arqasynda jas jigit aýyldan 15 shaqyrym jerden tabyldy.
Birneshe kúnnen beri óńirde aıaz qaharyna minip tur. Polıtsııa men qutqarý qyzmetteri kúsheıtilgen rejımde jumys istep jatyr.
