SQO-da aıaldama shynysyn syndyrǵan turǵyn 2 jylǵa sottalýy múmkin
PETROPAVL. QazAqparat - Petropavldyń jergilikti polıtsııa qyzmetiniń qyzmetkerleri aıaldama pavılonyn syndyrǵan 23 jastaǵy qala turǵynyn ustady, dep habarlaıdy QazAqparat SQO ІІD baspasóz qyzmetine silteme jasap.
Anyqtalǵandaı, bir top mas jas jigitter qala syrtynda demalǵannan keıin úılerine jaıaý kele jatady. Olardyń biri telefonmen sóılesip, emotsııasyna erik berip, birneshe ret aıaldamanyń áınegin uryp syndyrady.
«Keıin onyń dostary aıaldamanyń áınegin uryp jatqanda onyń aıaǵyn jaraqattap alǵanyn baıqap, jedel-járdem shaqyrǵan. Jas jigitti aýrýhanaǵa jetkizgen. Oqıǵa kezinde ol mas bolǵan. Ol óz kinásin tolyq moıyndady, alaıda óziniń buzaqylyq áreketin naqty túsindirip bere almady», - dedi baspasóz qyzmeti.
Petropavl qalalyq ІІB jergilikti polıtsııa qyzmeti bastyǵynyń orynbasary Shamshıden Aqyshovtyń aıtýynsha, QR QK 293-baby «Buzaqylyq jasaý» boıynsha materıal jınaqtalǵan. Bul baptyń sanktsııasy boıynsha eki jylǵa deıin bas bostandyǵynan aıyrylýy múmkin.
