SQO-da avtokólik maralǵa soǵyldy
PETROPAVL. QazAqparat – Soltústik Qazaqstan oblysynyń Qyzyljar aýdanynda avtokólik maralǵa soǵyldy, dep habarlaıdy QazAqparat tilshisi.
SQO Polıtsııa departamenti baspasóz qyzmetiniń málimetinshe, oqıǵa 14 tamyz kúni boldy. Túngi saǵat 00.10 shamasynda «Nur-Sultan-Petropavl» tasjolymen kele jatqan «Scoda Superb» avtokóliginiń júrgizýshisi Beskól aýylynyń mańynda jolǵa atyp shyqqan maraldy soqqan. Astananyń 40 jastaǵy turǵyny qaýipsizdik kópshiginiń arqasynda zardap shekken joq. Kólik aıtarlyqtaı zaqymdalyp, evakýatsııalaý úshin arnaıy tehnıkany shaqyrylǵan. Túz taǵysy sol jerde óldi.
«Mundaı jaǵdaılar bolyp turady. Sol sebepti júrgizýshiler qyraǵylyq tanytyp, jyldamdyqty asyrmaǵany jón. Ásirese túnde baıqaý kerek. Ańdar kóliktiń jaryǵynan shoshıdy. Mańynda ormany bar joldardan asa saqtyqpen ótken jón. SQO-da máselen, «Chelıabi-Novosibir» avtojolynda Toqshyn, Asanovo, Polýdıno eldi mekenderiniń janynda, «Petropavl-Jezqazǵan» trassasynda Chırıkovka eldi mekeniniń mańynda qaýip joǵary», - deıdi SQO PD patrýldik polıtsııa batalonynyń bastyǵy Erlan Mádıev.
SQO-da bıyl túz taǵylaryna qatysty eki jol-kólik oqıǵasy tirkeldi. Eki jaǵdaıda da avtokólikterdiń aldyna elikter atyp shyqqan.
