SQO-da avtobýs júrgizýshileri tarapynan 663 buzýshylyq anyqtaldy
PETROPAVL. QazAqparat – Soltústik Qazaqstan oblysynda 4 qazannan bastap «Avtobýs» respýblıkalyq jedel-profılaktıkalyq is-sharasy ótip jatyr, dep habarlaıdy QazAqparat tilshisi.
SQO polıtsııa departamenti baspasóz qyzmetiniń málimetinshe, «Avtobýs» operatsııasynyń maqsaty - qoǵamdyq kólik júrgizýshileri tarapynan bolatyn zań buzýshylyqtardyń aldyn alý. «Avtobýs» respýblıkalyq jedel-aldyn alý sharasy 13 qazanǵa deıin jalǵasady.
Іs-sharanyń birinshi kúni polıtseıler, SQO boıynsha kóliktik baqylaý ınspektsııasy qyzmetkerleri, ekologııa departamenti mamandary, sondaı-aq SQO boıynsha Birinshi Sybaılas jemqorlyqqa qarsy medıa ortalyǵynyń qatysýymen profılaktıkalyq reıd ótti. Petropavldaǵy Naberejnaıa kóshesindegi sońǵy aıaldamada gaz taldaǵyshty paıdalana otyryp, ekologtar № 20 jáne № 6 eki marshrýttyq avtobýstarda shyǵaryndylardy ólshedi, lastaýshy zattar belgili normadan kóp bolyp shyqty. Patrýldik polıtsııa qyzmetkerleri QR ÁQBtK 334-baby boıynsha hattamalar toltyrdy.
SQO PD jergilikti polıtsııa qyzmeti basqarmasynyń bastyǵy Aıdyn Baımatovtyń aıtýynsha, reıdter jolaýshylar men avtobýs júrgizýshileriniń qaýipsizdigi men jaılylyǵyn qamtamasyz etý úshin ótkiziledi. Jyl basynan mundaı is-shara úshinshi ret uıymdastyrylyp otyr. Qańtar jáne maýsym aılarynda ótkizilgen «Avtobýs» operatsııasynda júrgizýshiler tarapynan 663 zań buzýshylyq anyqtaldy. Avtobýs parkteriniń 7 laýazymdy tulǵasy ákimshilik jaýapkershilikke tartyldy.
Jalpy, osy jyldyń 9 aıynda oblys joldarynda 122 jol-kólik oqıǵasy tirkelgen, onda 163 adam jaraqat alyp, 23 adam qaıtys bolǵan. Maýsymaralyq kezeń qarsańynda; jańbyr, kóktaıǵaq jáne boran kezinde polıtseıler jol qozǵalysynyń barlyq qatysýshylaryn jol júrisi erejelerin qatań saqtaýǵa shaqyrady.
