SQO-da avtobýs jáne taksı júrgizýshileri 2 myńnan astam ret jol erejesin buzǵan
PETROPAVL. QazAqparat - Soltústikqazaqstandyq polıtseıler tórt kúnniń ishinde qoǵamdyq kólik júrgizýshileriniń 485 jolda júrý erejesin buzý áreketin tirkedi, dep habarlaıdy «QazAqparat» tilshisi.
Polıtsııa departamenti baspasóz qyzmetiniń aqparatynsha, tártip buzý áreketteriniń eń kóbi kólikti basqarý kezinde telefonmen sóılesýmen baılanysty bolyp otyr. Qoǵamdyq kólik júrgizýshileri jyldamdyqty asyryp, manevrleý erejelerin buzyp, kólikti tıisti qujatsyz basqaryp, avtobýstardy zańsyz qaıta jabdyqtaǵan.
«Jyl basynan beri avtobýs jáne taksı júrgizýshileri 2 myńnan astam quqyqbuzýshylyq jasaǵan. «Avtobýs» jedel-aldyn alý sharasynyń basty mindeti - olardy jolda ereje saqtaýǵa shaqyrý», - dep atap ótti jergilikti polıtsııa qyzmeti bastyǵynyń orynbasary Aıdyn Baımatov.
Jyl basynan beri oblysta jolaýshylar kóliginiń qatysýymen 7 jol-kólik oqıǵasy tirkelgen. Taıaýda Petropavlda avtobýs jaıaý júrginshilerge arnalǵan jolaqpen kele jatqan jasóspirimdi qaǵyp ketti.
