SQO-da aýylǵa baratyn dárigerlerge 2,5 mln teńge kótermeaqy tólenedi
PETROPAVL. QazAqparat – Soltústik Qazaqstan oblysynda medıtsınalyq kadr jetispeýshiligi máselesin sheshý úshin eldi mekenderge baratyn dárigerlerge 2,5 mln teńge kótermeaqy beriletin boldy. Búgin oblystyq máslıhat depýtattary tıisti sheshimdi qabyldady, dep habarlaıdy QazAqparat tilshisi.
SQO máslıhat depýtattarynyń kezekti sessııasynda aýylǵa jáne kentterge, aýdandyq jáne oblystyq mańyzy bar qalalarǵa jumysqa baratyn medıtsına jáne farmatsevtıka qyzmetkerlerine bıýdjet qarajaty esebinen bir jolǵy tólem túrinde áleýmettik qoldaý kórsetýge sheshim shyǵaryldy.
Endi aýyldyq jerlerge baratyn dárigerlerge 2,5 mln teńge kótermeaqy berilmek. ıAǵnı bir jolǵy tólem mólsheri 1 mln teńgege kóbeıtildi. Al Petropavlǵa keletin mamandarǵa 1,5 mln teńge beriledi. Bul kadr jetispeýshiligi máselesin sheship, medıtsınalyq qyzmettiń sapasyn arttyrmaq.
Kótermeaqy alǵan maman 5 jyl boıy jumys isteýge mindetteledi.
SQO densaýlyq saqtaý basqarmasy baspasóz qyzmetiniń málimetinshe, búgingi kúni óńirde 268 dáriger jetispeıdi.
Suranysqa ıe mamandar: jalpy praktıka dárigeri – 27 maman, pedıatr – 10, akýsher-gınekolog – 13, kardıolog – 11, psıhıatr – 10, anestezıolog-reanımatolog – 14, ınfektsıonıst -7, nevropatolog – 6, oftalmolog – 4.
Sonyń ishinde tek Taıynsha aýdanyna ǵana 16, Shal aqyn aýdanyna -13, Aqjar, Aqqaıyń, Esil, Qyzyljar, Mamlıýt aýdandaryna 10 mamannan qajet.
SQO ákiminiń bastamasy arqasynda óńirge kelgen dárigerlerge 2018 jyldan bastap 1,5 mln teńge kótermeaqy berilip keldi. Osy kúnge deıin 145 mamanǵa qoldaý kórsetildi. Ortaq somasy – 241,5 mln teńge. Bul oblysqa jas dárigerlerdi jyl saıyn eki ese kóp tartýǵa múmkindik berdi. Jylyna 58-den 108 dárigerge deıin kelip otyrdy.
Jalpy SQO-nyń densaýlyq saqtaý uıymdarynda 1 449 dáriger jáne 5247 orta býyn medıtsına qyzmetkeri jumys isteıdi.
