SQO-da aýyldyq mýzeıde 13 ǵasyrdaǵy at ábzeli saqtaýly tur
PETROPAVL. QazAqparat - Shal aqyn aýdany Aqanbaraq aýylynda «Asyl qazyna» mýzeıi ashyldy, dep habarlaıdy QazAqparat tilshisi.
Óńirlik kommýnıkatsııalar qyzmetiniń aqparaty boıynsha, ol alty jádigerden jasaqtalǵan. Onda fotomaterıaldar, arhıvtik qujattar, qundy jádigerler usynylǵan. Aýyldyq mýzeıinde úlken beınehana bar.
«Biz mýzeıdi ashyq ári qoljetimdi etip jasadyq. Bizde 1894 jylǵy qujattar bar. Eń ejelgi jádiger 13 ǵasyrǵa tıesili. Ol bizdiń aýyldyń aýmaǵynan tabylǵan at ábzelderiniń bóligi. Eksponat kúmisten jasalǵan», - dedi ekskýrsııa jetekshisi Irına Badaeva.
Eń úlken ekspozıtsııa Ekinshi dúnıejúzilik soǵysqa arnalǵan. Osy aýyldan maıdanǵa 200 adam attanyp, 54 adam ǵana oralǵan. Qazir aýylda eshqandaı ardager qalmaǵan.
«Bizde ár ardager boıynsha jumys isteıtin izdeý jasaǵy bar. Úlken estelik kitaby jınaqtaldy, qazirgi tańda ekspozıtsııa sanyn keńeıtip jatyrmyz», - dedi I. Badaeva.
Orta jáne aǵa býynnan quralǵan izdeý jasaǵy mýzeı keńesinen tapsyrma alyp otyrady. Oqýshylar aýyldaǵy aqparattar men eksponattardy jınaqtaıdy. Mýzeı qory udaıy tolyǵyp otyrady.
Mýzeıde «Bir shańyraq astynda» etnoburyshy bar. Bolashaqta jeke etnobólme ashý josparlanýda.
