SQO-da aýyldaǵy bıznesti damytý jumystary júrip jatyr
PETROPAVL. QazAqparat - Óńirlik kásipkerler palatasynda kásipkerlerdiń, oblystyq prokýratýra men óńirdiń quzyrly basqarmasy ókilderiniń qatysýymen aýyldaǵy bıznesti damytý máseleleri sóz boldy, dep habarlaıdy QazAqparat.
Soltústik Qazaqstan oblysynda «Bıznestiń jol kartasy» baǵdarlamasynyń úshinshi «Bıznesti jappaı damytý» baǵyty júzege asyryla bastady. Aldaǵy aptada 20 adamnan qurylǵan jumys toby aýdandardy aralaıdy. Onyń quramyna «QazAgro», «Agrarlyq nesıe korporatsııasy» aktsıonerlik qoǵamdary men ekinshi deńgeıli bankterdiń jáne mıkronesıelik uıymdardyń jáne jergilikti atqarýshy organdardyń ókilderi kirdi.
Aýyldarda olar turǵyndarmen kezdesip, bıznesti damytýdyń joldary men kásipkerlerdi qoldaýǵa baǵyttalǵan memlekettik baǵdarlamalar týraly sóz qozǵaıdy. Memlekettik baǵdarlamanyń úshinshi baǵytyn júzege asyrý oblys ortalyǵyna jaqyn ornalasqan Qyzyljar jáne Mamlıýt aýdandarynan bastalmaq.
Kezdesýde aýdan ákimderiniń orynbasarlary aýyl azamattarynyń qandaı bıznes túrlerimen aınalysýlaryna bolatyndyǵy týraly aıtyp berdi. Mysaly, Mamlıýt aýdanynda aýyl sharýashylyǵy ónimderin óndirý - bolashaǵy zor baǵyttardyń biri.
Aýdan ákiminiń orynbasary Rýstam Ǵabbasovtyń aıtýynsha, bul maqsat úshin jer telimderin alýǵa bolady. Osy ýaqytta 24 myń gektar jaıylmaly jer bar. Aýdannyń jaqsy kólik logıstıkasy da jaqsy. Mamlıýt aýdany arqyly Ońtústik Oral temirjoly ótedi. Sondaı-aq osy óńir arqyly respýblıkalyq mańyzdaǵy avtomobıl joldary da qıylysady.
2017 jyly oblys ortalyǵynan Reseı shekarasyna deıingi joldardy kúrdeli jóndeýden ótkizý josparlanǵan. Sondaı-aq munda balyq sharýashylyǵyn da damytý qolaıly. Aýdanda 159 balyq sharýashylyǵyna arnalǵan sý qoımalary bar, onyń 69-y aýdannyń kásipkerleriniń atyna bekitilgen. Rezervte taǵy 92 kól bar. Olardyń barlyǵy konkýrs boıynsha balyq sharýashylyǵyn damytý úshin beriledi.
Qyzyljar aýdany kásipkerler úshin 27 sý tospalaryn usyna alady. Aýdanda sonymen qatar 600 gektar jaıylmaly jerler men 14 ga egistik alqaptar bar.
Qyzyljar aýdany ákiminiń orynbasary Tileýbaı Esjanovtyń sózinshe, aýyl azamattarynda mal sharýashylyǵymen jáne qus sharýashylyǵymen aınalysýdyń múmkindigi zor. Qazirgi tańda qyzyljarlyqtarda qaz ósirý sharýashylyǵy keń taraǵan.
«Óz bıznesin ashamyn degen azamattardyń jaǵdaıy oblys prokýratýrasynyń baqylaýynda bolady. Jumys toby olarǵa konsýltatıvti jáne quqyqtyq kómek kórsetedi. ıAǵnı kez kelgen bastama qolǵa alynǵan kúninen bastap, aıaǵyna turǵanǵa deıin baqylaýda bolady»,-dedi oblys prokýratýrasynyń 1-shi basqarmasynyń bólim prokýrory Aıtýǵan Áskerbaev.
