SQO-da aýyl turǵyny kólik basqarý quqyǵynan ómir boıyna aıyrylýy múmkin
SQO polıtsııa departamenti baspasóz qyzmetiniń málimetinshe, Tımırıazev aýdanynda polıtseıler «Qaýipsiz jol» jedel-profılaktıkalyq is-sharasy aıasynda jumys istep, aýdan ortalyǵy kóshelerinde nómirsiz kele jatqan «Nıva» kóligin baıqaıdy. Kólikti tekserý úshin toqtatqan polıtsııa rólde otyrǵan 29 jastaǵy júrgizýshiden alkogoldiń ıisi shyǵyp turǵanyn anyqtaıdy. Medıtsınalyq kýálandyrý onyń mas ekenin kórsetti.
Er adamnyń 2019 jyly tamyzda 3 jylǵa kólik quraldaryn basqarý quqyǵynan aıyrylǵan eken. Atalǵan fakti QR Qylmystyq kodeksiniń Sotqa deıingi tergep-tekserýlerdiń biryńǵaı tizilimine engizildi. Nómirlik belgilersiz kólikti basqarǵany úshin de materıal jınaldy. Baptyń sanktsııasy boıynsha 10 AEK mólsherinde aıyppul qarastyrylǵan. Kólik arnaıy turaqqa qoıyldy.
«Kúdikti ýchaskelik polıtsııa ınspektorynyń nazarynda. Zaıyby otbasylyq daý-janjalǵa baılanysty polıtsııaǵa birneshe ret júgingen, alaıda keıin ótinishterin qaıtaryp alyp otyrǵan. Sonymen qatar, mamyr aıynyń sońynda ýchaskelik polıtsııa ınspektory «Qarý» jedel-profılaktıkalyq is-sharasy aıasynda er adamnyń úıinen zańsyz saqtalǵan «Mossberg» myltyǵy tabylyp, alyndy. Myltyq saraptamaǵa jiberildi, onyń nátıjesi boıynsha ákimshilik materıal sotqa tapsyrylady. Er adamnyń Zańǵa nemquraıly qaraýy qylmystyq jaýapqa tartylýyna ákelip soqty. Ol endi iri kólemde aıyppul tóleýi nemese basqarý quqyǵynan ómir boıyna aıyrylyp, 5 jylǵa sottalýy múmkin», - deıdi Tımırıazev aýdanynyń polıtsııa bóliminiń bastyǵy Talǵat Kenjetaev.