SQO-da aýyl turǵyndary órtenip jatqan úıdiń balalaryn qutqaryp qaldy
PETROPAVL. QazAqparat - Soltústik Qazaqstan oblysynyń Tımırıazov aýdanyndaǵy Stepnoe aýylynyń turǵyndary órtenip jatqan úıden áıel men eki jas balany qutqaryp aldy, dep habarlaıdy «QazAqparat» HAA tilshisi SQO, ІІD silteme jasap.
Órt kúndizgi ýaqytta bolǵan.
Kórshi úıdiń órttenip jatqanyn eń aldymen Ivan Kotov baıqaǵan. Qoıý tútinnen ishke kire almaǵan ol órt sóndirý qyzmetine qońyraý shalady.
«Osy mezette kómekke 37 jastaǵy Azamat Ramazanov keledi. Jigitter terezeni syndyryp ishke kirip dálizde tunshyǵyp jatqan áıeldi alyp shyqqan. Jatyn bólmedegi 2 jáne 3 jasar sábılerdi de qutqaryp qaldy»,-dep habarlaıdy baspasóz qyzmeti.
1954 jyly týǵan áıel 1-3 dárejeli kúıikpen aýdandyq aýrýhanaǵa jetkizildi. Balalar zardap shekken joq.
Órtti jergilikti «Týhvatýllın» sharýa qojalyǵynyń eriktileri mańaıdaǵy turǵyndardyń kómegimen óshirip alǵan.
