SQO-da aýyl sharýashylyǵy tehnıkalaryn jınaıtyn zaýyt salynady
ASTANA. QazAqparat - Soltústik Qazaqstan oblysynda aýylsharýashylyq tehnıkalaryn jınaıtyn jańa zaýyt salynady. Bul jaıynda óńir basshysy Qumar Aqsaqalov oblystyq ákimdiktiń otyrysynda málim etti, dep habarlaıdy QazAqparat.
«Biz burynǵy «Qaztehmash» zaýytynyń aýmaǵynda aýyl sharýashylyǵy tehnıkasyn jınaıtyn jańa kásiporyn ashýdy josparlap otyrmyz. Sáýir aıynda nemistiń «CLAAS» kompanııasymen kelissózderdi támamdaımyz. Bizdiń delegatsııa Germanııaǵa bardy, olardyń ókilderi bizge keldi. Aýyl sharýashylyǵy mınıstrine kirip shyqty, barlyq ınstantsııalardy ótti. Sáýirdiń basynda taǵy kezdesip, naqty sheshim shyǵaramyz. Bul kompanııa kombaın, traktor jáne egin sebý keshenderin jınaıtyn álemdik kóshbasshy. Óte qyzyqty joba bolady», - dedi Qumar Aqsaqalov.
Aımaq basshysynyń baspasóz qyzmetinen málim etkendeı, sondaı-aq óńirde transformatorlar shyǵaratyn zaýytty salý jóninde de másele qaralyp jatyr. Qazir jobanyń quryltaıshylarymen kelissózder júrgizilýde. Buǵan qosa, «Zıksto» zaýytynyń aýmaǵynda jańa vagon jınaý zaýytyn qurý josparda bar. Óndiris oshaǵynyń qýattylyǵy jylyna 5 myń vagondy quramaq.
