SQO-da aýyl sharýashylyǵy salasynda 82 mlrd teńgeniń jobalary qolǵa alyndy
SQO ákiminiń birinshi orynbasary Marat Tasmaǵanbetovtyń aıtýynsha, óńirde agroónerkásip keshenin damytý maqsatynda 31 joba júzege asyrylyp jatyr. Jalpy ınvestıtsııa kólemi 81,9 mlrd teńge. Nátıjesinde 1 myńnan astam adam turaqty jumyspen qamtylmaq.
31 jobanyń 17-si – 12,8 myń basqa arnalǵan sút-taýar fermalary. Investıtsııanyń jartysy osy jobalardy iske asyrýǵa jumsalady. Osylaısha qosymsha 64 myń tonna sút óndirilmek.
Іri jobalardyń taǵy bireýi – 1,5 myń basqa arnalǵan qoı fermasy.
Budan basqa 10,9 mlrd teńgege 16 myń tonna et óndiretin úsh qus fermasy salynady.
6 joba 150 myń tonna astyq saqtaýǵa múmkindik bermek. Osy maqsatqa 5,7 mlrd teńge jumsalmaq.
Bolashaǵynan úmit kúttirgen jobalardyń biri – jylyjaı kesheni. Onyń qurylysyna 7,2 mlrd teńge jumsalyp, jylyna 2,8 myń tonna ónim óndirilmek.
Taǵy eki joba 500 ga alqapty sýarýǵa qatysty.
«Bıyl Ǵ.Músirepov atyndaǵy aýdanda mega-fermanyń birinshi kezeńi iske qosyldy.
Bul joba memlekettik qoldaýdyń arqasynda júzege asty, áleýmettik-kásipkerlik korporatsııasy arqyly 1,2 mlrd teńge qondyrǵy men mal satyp alýǵa berildi. Elektr jelileri men sý tartyldy.
:obany júzege asyrǵan kásipkerdiń áleýmettik jaýapkershiligin atap ótkim keledi. Ol jumys oryndaryn ashýmen qatar, únemi aýyl turǵyndarynyń turmys jaǵdaıyn jaqsartýdy da esten shyǵarmaıdy. Sharýashylyqtyń esebinen jańa baspanalar salyndy, eldi mekenge gaz tartyldy. Memleket óz tarapynan bul aýylǵa aparar joldy 237 mln teńgege kúrdeli jóndemek», - deıdi Marat Tasmaǵanbetov.
