SQO-da aýyl sharýashylyǵy ónimderin óńdeý salasyndaǵy basymdyqty jobalar kartasy tanystyryldy
Oblys ákimdiginiń otyrysy kún tártibine birqatar mańyzdy máseleler engizildi: aýyl sharýashylyǵy ónimderin óńdeý kartasyn bekitý, SQO Qazaqstan halqy Assambleıasy jumysynyń qorytyndylary, barlyq deńgeıdegi ákimderdiń halyqpen esepti kezdesýlerin ótkizý qorytyndylary jáne bilim mekemeleri jumysynyń nátıjeleri.
Oblys ákiminiń birinshi orynbasary Aıdarbek Saparov 2016-2020 jyldarǵa arnalǵan aýyl sharýashylyǵy ónimderin óńdeý kartasyn tanystyrdy jáne bul baǵyttaǵy jumystyń perspektıvalary týraly áńgimeledi.
Karta aýqymynda 138,5 mlrd. teńgege 3341 jumys ornyn qura otyryp, 60 jobany júzege asyrý josparlanýda. Oǵan sút óńdeý jónindegi 19 joba, et óńdeý boıynsha - 16, un óndirý jáne astyqty tereńdete óńdeý jónindegi - 7, makaron ónimderin shyǵarý jóninde - 3, maıly daqyldardy tereńdete óńdeý jónindegi - 5 jáne as tuzyn, balyq, jún, teri shıkizatyn, qantty óndirýge baǵyttalǵan 10 joba jáne jylyjaı kesheni engizilgen.
«Josparlanǵan jobalardy júzege asyrý nátıjesinde oblystaǵy tamaq jáne óńdeý ónerkásibi kásiporyndarynyń óndiristik qýattarynyń ortasha jyldyq júktemesi 80-85 paıyzǵa deıin ulǵaıady», - dedi Aıdarbek Saparov.
Oblys ákimdigi otyrysyna qatysýshylar aýyl sharýashylyǵy ónimderin óńdeý kartasyn biraýyzdan bekitti. Óńir basshysy, óz kezeginde, SQO aýyl sharýashylyǵy basqarmasyna toqsan saıyn aqparat usyna otyryp, kartany júzege asyrýǵa sapaly monıtorıng júrgizýdi qamtamasyz etýdi tapsyrdy.
SQO QHA jumysynyń qorytyndylary týraly oblystyq Qazaqstan halqy Assambleıasy hatshylyǵynyń meńgerýshisi Naıl Salımov aıtyp berdi.
Óńir basshysy oblystyq QHA-ǵa aımaqta turatyn ulystardyń mádenıetin, tarıhyn jáne dástúrlerin saqtaý jónindegi jumysty jalǵastyrýdy tapsyrdy.
«Assambleıa ulysaralyq qatynastardy odan ári nyǵaıtýda kóshbasshylyq róldi qolyna alýy tıis», dep atap kórsetti Erik Sultanov.
