SQO-da aýyl mektepteriniń aýmaǵyndaǵy kameralarǵa qatysty jaǵdaı tekserilmek
Polıtsııa departamenti baspasóz qyzmetiniń málimetinshe, problemalyq máseleler keńesshi organnyń otyrysynda talqylanǵan.
Esirtki qylmysyna qarsy kúres basqarmasynyń bastyǵy Jandos Basybaev profılaktıkalyq jumystar týraly aıtty. Sonyń ishinde qaladaǵy oqý oryndaryna senim jáshigin ornatý týraly sóz qozǵady. Olar sıntetıkalyq esirtkini taratý týraly aqparatty oqýshylar men stýdentterden jasyryn túrde jınaýǵa baǵyttalǵan. Onyń aıtýynsha, ázirge ondaı faktiler týraly hat túspegen. Biraq, polıtseıler osyndaı jumys tásiliniń tıimdi ekeninen úmittenip otyr.
Tártip saqshylary birneshe jyl buryn ata-analardyń kópshiligi joǵary synyp balalaryn narkotestileý júrgizýge qarsy bolǵanyn atap ótti. Bıyl bul saýalnama jaǵdaıdyń ózgergenin kórsetip otyr.
Bıyl Petropavlda 400-den astam narkograffıtı boıalǵan. Polıtseıler osyndaı jazýlardy toltyrýǵa kómektesetin turǵyn úı-kommýnaldyq sharýashylyq ókilderiniń yqpalyna úmit artyp otyr. Osy baǵytta eriktiler aıtarlyqtaı kómek kórsetýde.
Bul jumystar óz nátıjesin berip jatyr. Byltyr oblysta sıntetıkalyq esirtkiniń artyq mólsherlený faktisi 52 ret tirkelse, bıyl bul kórsetkish – 28 boldy, sonyń ishinde beseýi – kámelettik jasqa tolmaǵandar.
«Otyrysta qaýipsizdikti qamtamasyz etýde vıdeobaqylaý júıeleriniń róli de talqylandy. Petropavldaǵy barlyq mektepter vıdeobaqylaý kameralarymen jabdyqtalǵan. Polıtsııa departamentiniń bastyǵy Marat Tólebaev aýyl mektepteriniń aýmaǵynda kameralarynyń ornatylýyn tekserýdi tapsyrdy», - dedi baspasóz qyzmetinen.
Avtor: Olesıa Jýkoven