SQO-da aýyl mektepterine 33 avtobýs beriledi
PETROPAVL. QazAqparat – Soltústik Qazaqstan oblysynyń ákimi Qumar Aqsaqalov BAQ ókilderimen kezdesýde jyl qorytyndysy men 2020 jylǵa arnalǵan josparlar týraly aıtty, dep habarlaıdy QazAqparat tilshisi.
Aımaq basshysy 2020 jyly áleýmettik sala shyǵyndary ulǵaıatynyn eske saldy. Bilim berý salasyna bólinetin aqsha 46%-ǵa artqan.
«Mektepterdiń kúrdeli jóndeý jumystary jalǵasýda. 2019 jyly oblysymyzdyń bilim berý nysandarynyń 40 %-yna jóndeý júrgizildi. Kelesi jyly da jalǵasatyn bolady. 3 mrld teńge bóldik. Eger respýblıka boıynsha salystyratyn bolsaq, jóndeý jumystary júrgiziletin bilim berý nysandarynyń kóp bóligi bizdiń oblysta dep naqty aıta alamyn», - dedi oblys ákimi.
Ol aýyl mektepterine balalardyń qatynaý máseleleri týraly aıtyp ótti. 44 avtobýs jetpeıdi.
«Biz qarajat jınadyq, kelesi jyly qajetti 44 avtobýstyń 33-in satyp alamyz», - dep naqtylady Q.Aqsaqalov.
2020 jyly kolledjderdi jabdyqtaýǵa 1,3 mıllıard teńge bólinedi. Tórt kolledjge stanoktar, zamanaýı qural-jabdyqtar satyp alynady.
