SQO-da aýyl ákimi para alǵany úshin jazalandy
Memlekettik qyzmet isteri jáne sybaılas jemqorlyqqa qarsy is-qımyl departamenti baspasóz qyzmetiniń aqparaty boıynsha, Qyzyljar aýdany Prıbrejnyı aýyldyq okrýginiń ákimi jergilikti kásipkerden syıaqy talap etken.
Sotqa deıingi tergeý barysynda anyqtalǵandaı, kásipker naýryz aıynyń sońynda aýyl ákiminen kásipkerlikke qajetti jer telimin suraǵan.
«Ákimdiktiń qyzmetkeri óziniń ókilettiligine sáıkes, kásipkerge jer telimini ýaqytsha aqyly paıdalaný quqyǵyn berýge quzyreti joq ekendigin bilgen. Bul quqyqqa tek aýdandyq jer komıssııasy ıe. Ol laýazymyn paıdalanyp, kásipkerdiń jer telimin alýyna yqpal etken. Kásipkerden osy qyzmeti úshin aqsha berýin talap etken», - dedi baspasóz qyzmetinen.
Sottyń sheshimimen memlekettik qyzmetshige para kóleminen 50 ese kóp aıyppul salyndy.