SQO-da aýyl ákimderiniń saılaýyna 101 kandıdat túsedi

PETROPAVL. QazAqparat – Soltústik Qazaqstan oblysynda aýdandyq mańyzy bar qala jáne aýyldyq okrýgter ákimderine kandıdattardy tirkeý aıaqtaldy. Bir orynǵa shamamen 3 úmitkerden keledi, dep habarlaıdy QazAqparat tilshisi.

Oblysta 27 tamyz aýdandyq mańyzy bar qala jáne aýyldyq okrýgter ákimderiniń saılaýy ótedi. SQO saılaý komıssııasynyń málimetinshe, ákim saılaýy ókilettik merziminiń aıaqtalýyna baılanysty – Aıyrtaý, Aqjar, Esil, Jambyl, Maǵjan Jumabaev, Mamlıýt, Ǵabıt Músirepov atyndaǵy, Taıynsha, Tımırıazev, Shal aqyn aýdandarynda, al ákimder ókilettikteriniń merziminen buryn toqtatylýyna baılanysty – Aıyrtaý, Aqqaıyń, Esil, Qyzyljar, Ǵabıt Músirepov atyndaǵy, Tımırıazev, Shal aqyn aýdandarynda bolady.

Saılaýǵa túsýge barlyǵy 109 kandıdat usynyldy: olardyń 28-i – saıası partııalardan, sonyń ishinde 24-i – «AMANAT» partııasynan, 2-eýi – «AÝYL» QHPP, 2-eýi – «Aq jol» QDP jáne 81adam – ózin-ózi usyný jolymen qujattaryn tapsyrdy.

Alaıda, 101 kandıdat tirkeldi. 6 kandıdat QR memlekettik qyzmet salasyndaǵy zańnamasynyń talaptaryna sáıkes kelmedi.

Budan basqa, Taıynsha jáne Ǵabıt Músirepov atyndaǵy aýdandyq saılaý komıssııalary qajetti qujattardy usynbaǵandyqtan, 2 kandıdatty tirkeýden alý týraly sheshim qabyldady.

Qazirgi tańda barlyq úmitkerlerdiń qujattary arnaıy tekserýge jiberildi. Tirkelgen kandıdattar kýálik alyp, saılaý bıýlletenine engizildi.