SQO-da aýrýhanalarǵa 1 mlrd teńgeniń zamanaýı qondyrǵysy ornatyldy
PETROPAVL. QazAqparat – Soltústik Qazaqstan oblysynda medıtsınalyq mekemelerdiń materıaldyq-tehnıkalyq bazasyn jaqsartý úshin bıyl 3 mlrd teńge bólindi, dep habarlaıdy QazAqparat tilshisi.
Bul qarajat ótken jyldarmen salystyrǵanda 2,5 ese artyq. Qazirdiń ózinde óńirdiń aýrýhanalaryna 1 mlrd teńgeniń zamanaýı qondyrǵysy jetkizildi.
SQO aýrýhanaǵa kompıýterlik tomograf satyp alynsa, oblystyq onkologııalyq dıspanserge tsıfrly mammograf ákelindi. Aýdandyq aýrýhanalar men qalalyq emhanalarǵa sońǵy úlgidegi 4 ýltra dybystyq zertteý apparattary qoıyldy. Soltústikqazaqstandyqtarǵa endi qymbat tekserýlerden ótip, emdelý úshin Reseıge nemese elordaǵa barýdyń qajeti joq.
Jaqynda oblystaǵy jalǵyz, alaıda eskirgen, júrgeninen istemeı turǵany kóp magnıtti rezonanstyq tomograftyń ornyna jańasy alynbaq. Bul qondyrǵy osydan 11 jyl buryn satyp alynǵan eken. Mamandardyń aıtýynsha, búginde MRT jıi isten shyǵady, jańǵyrtýǵa jaramaıdy. Sondaı-aq oblystyq aýrýhanaǵa kelesi jyly angıografty satyp alý josparlanǵan.
Budan basqa oblystyń emdeý mekemeleriniń avtoparkin jańartý úshin 20 sanıtarlyq kólik alý josparlanǵan. Densaýlyq saqtaý nysandaryna da aǵymdaǵy jáne kúrdeli jóndeý júrgizilmek.
