SQO-da aýyz sýǵa bólingen sýbsıdııany zańsyz alýǵa qatysty 8 qylmystyq is tirkeldi
PETROPAVL. KAZINFORM - Soltústik Qazaqstan oblysynda aýyz sýmen jabdyqtaýǵa beriletin sýbsıdııalardy zańsyz alýdan memleketke 460 mln teńgeden astam shyǵyn keldi.
Bul týraly SQO boıynsha Ekonomıkalyq tergep-tekserý departamentiniń tergeý basqarmasynyń basshysy Qaırat Nurahmetov brıfıngte málimdedi.
Departament júrgizgen taldaý nátıjesinde aýyz sýmen jabdyqtaýdy sýbsıdııalaý júıesinde birqatar sybaılas jemqorlyq táýekeli bar ekeni anyqtalǵan. ıAǵnı sý kólemin esepke alýdyń biryńǵaı tsıfrlyq júıesiniń bolmaýy, memlekettik organdar arasyndaǵy aqparat almasýdyń jetkiliksizdigi jáne sýbsıdııa alýǵa usynylatyn málimetterdiń durystyǵyn avtomatty túrde tekserý múmkindiginiń shekteýli bolýy másele týdyrady.
Qaırat Nurahmetovtiń aıtýynsha, qylmystyq isterdi tergeý barysynda sýbsıdııalardy zańsyz alýdyń keń taralǵan tásili anyqtalǵan.
- Sýmen jabdyqtaýshy uıymdar zańdy tulǵalar men kásipkerlerge jetkizilgen sýdyń kólemin qujattarda ádeıi tómendetip, al halyqqa berilgen sýdy kerisinshe asyryp kórsetken. Osylaısha, memleketten tólenetin sýbsıdııa mólsherin zańsyz ulǵaıtqan, - deıdi Qaırat Nurahmetov.
Departament málimetinshe, 2021 jyldan beri mundaı faktiler Aqqaıyń, Esil, Shal aqyn, Tımırıazev, Taıynsha jáne Mamlıýt aýdandarynda tirkelgen.
Búgingi tańda 8 qylmystyq istiń 6-ýy boıynsha tergeý aıaqtalǵan. Halyqty sýmen qamtamasyz etetin uıymdardyń basshylaryna qatysty qylmystyq ister qaralyp, 6 adam qylmystyq jaýapkershilikke tartylǵan. Olardyń bireýi naqty bas bostandyǵynan aıyryldy.
- Memleketke keltirilgen zalal mólsheri 460 mln teńgeden asqan. Sonymen qatar jańa epızodtar boıynsha qazir tergeý jumystary jalǵasyp jatyr, - deıdi Qaırat Nurahmetov.
Mamannyń aıtýynsha, qazir sýbsıdııa tóleý týraly sheshim negizinen sýmen jabdyqtaýshy uıymdardyń ózderi usynǵan málimetterge súıenip qabyldanady. Al bul aqparatty avtomatty túrde salystyryp, tekserýge múmkindik beretin tolyqqandy júıe joq.
Osyǵan baılanysty departament baqylaý tetikterin kúsheıtý boıynsha birqatar usynys engizgen. Onyń ishinde sý jetkizý kólemin naqty esepke alý, esepteý quraldarynyń kórsetkishterin salystyrý, salyq organdarynyń aqparattyq júıelerimen ıntegratsııalaý jáne qosymsha tekserýler júrgizý qarastyrylǵan.
Sonymen qatar departamenttiń bastamasymen oblys ákimdigi jáne «Esil sý» fılıaly arasynda úshjaqty memorandým jasalǵan. Qujat vedomstvoaralyq turaqty aqparat almasýdy, táýekelderdi birlesip taldaýdy jáne aldyn alý sharalaryn úılestirýdi kózdeıdi.
Departament sondaı-aq sý jetkizý men sýbsıdııalaý protsesin baqylaýǵa arnalǵan tsıfrlyq júıe engizýdi usynyp otyr. Ol árbir jetkizilgen sý kólemin tirkep, túrli derekterdi salystyrady jáne sýbsıdııany zańsyz alý táýekelderin avtomatty túrde anyqtaıdy.
Buǵan deıin Ekibastuzda sýdy zańsyz alyp kelgen sharýashylyqtar anyqtalǵanyn jazǵan edik.
