SQO-da aýyldy órtten qorǵap qalý úshin aqmolalyq mamandar kómekke keldi
PETROPAVL. KAZINFORM — Soltústik Qazaqstan oblysynda órt sóndirýshiler 350 turǵyny bar aýyldy órtten qorǵap qaldy.
SQO Tótenshe jaǵdaılar departamenti baspasóz qyzmetiniń málimetinshe, keshe Taıynsha aýdanynda dala órti tirkeldi. Obýhovka aýylynyń janynda 46 gektar alańda qurǵaq shóp janǵan. Ekpini sekýndyna 20 metrge deıin jetken kúshti jeldiń saldarynan jalyn tez taralyp, aýyldyń shetindegi JShS aýmaǵyndaǵy sharýashylyq qurylysyna deıin jetti.
Órtti sóndirýge SQO TJD-niń 5 tehnıkasy men jeke quramnan 56 adam jáne Aqmola oblysynan 5 tehnıka men 48 órt sóndirýshi jumyldyryldy. Drondy paıdalana otyryp qosymsha áýe monıtorıngi júrgizildi. Bul ottyń taralý baǵytyn jedel baqylaýǵa jáne jerdegi is-qımyldardy úılestirýge múmkindik berdi. Aýyldy qorǵaý úshin aınalasy traktorlarmen jyrtyldy.
Osylaısha, órt sóndirýshilerdiń úılesimdi áreketiniń nátıjesinde Obýhovka aýylyna jalynnyń taralýyna jol berilmedi.
Aýylǵa tóngen qaýip tolyǵymen joıyldy, evakýatsııalaýdyń qajet bolmady. Zardap shekkender joq. Obýhovka aýylynda 130 úıde 348 adam turady.
Buǵan deıin ShQO-da órt kezinde 70-ke jýyq adam evakýatsııalanǵanyn jazǵan edik.