SQO-da aýyl turǵynynan 500 lıtrge jýyq spırttik ónim tárkilendi
PETROPAVL. KAZINFORM – Soltústik Qazaqstan oblysynda ýchaskelik polıtseıler jedel-profılaktıkalyq is-shara aıasynda zańsyz alkogol satý faktisin anyqtady.
SQO polıtsııa departamenti baspasóz qyzmetiniń málimetinshe, Esil aýdanyndaǵy aýyldardyń birinde áıeldiń óz úıinde spırttik ishimdik satatyny týraly aqparat túsken. Tekserý úshin barǵan polıtsııa qyzmetkerleri turǵynnyń úıinen quramynda spırt bar 497 lıtr ónim, ıaǵnı 687 bótelke syra jáne bes lıtrlik 29 bótelkege quıylǵan lıtsenzııalanbaǵan araq tárkiledi. Sonymen birge aktsııazdik markasy joq 409 qorap temeki alyndy.
Tıisti tirkeýsiz kásipkerlik qyzmetpen aınalysý faktisi boıynsha ákimshilik materıal jınalyp jatyr. Aýyl turǵynyna aıyppul salynýy múmkin.
«Ýchaske» aýqymdy jedel-profılaktıkalyq is-sharasy 16 qyrkúıekten bastap ótip jatyr. Osy ýaqyt aralyǵynda soltústikqazaqstandyq polıtseıler alkogolge qarsy zańnamanyń 1700-den astam túrli zań buzýshylyǵyn anyqtady.
Al jyl basynan ýchaskelik ınspektorlar alkogol ónimderin satýǵa qatysty talaptardy buzǵany úshin 95 adamdy, alkogoldi zańsyz satqany úshin 178 adamdy ákimshilik jaýapkershilikke tartty. Zańsyz aınalymnan quramynda spırt bar 6 myń lıtrge jaqyn ónimder tárkilendi.
Buǵan deıin SQO-da on aıda mas júrgizýshiler kinásinen bir adam mert bolyp, 24-i jaraqattanǵanyn jazǵan edik.
