SQO-da aýdarylǵan júk kóligi elektr taratý jelisin zaqymdady
PETROPAVL. QazAqparat – Soltústik Qazaqstan oblysynda júk kóligi aýdarylyp, elektr taratý jelisin zaqymdady, dep habarlaıdy QazAqparat tilshisi.
SQO polıtsııa departamenti baspasóz qyzmetiniń málimetinshe, jol- kólik oqıǵasy Petropavl mańyndaǵy aınalma joldardyń birinde bolǵan.
Tirkemesi bar «Volvo» júk kóliginiń 32 jastaǵy júrgizýshisi rýlge ıe bola almaı, kólikti aýdaryp alǵan. Petropavl turǵyny aýylsharýashylyǵy tehnıkasyna arnalǵan qosalqy bólshekti artyp, Qaraǵandyǵa bet alǵan eken.
Jol-kólik oqıǵasy saldarynan elektr taratý jelisi zaqymdandy. Sondaı-aq kólikti de jóndeý kerek bolady. Al onyń júrgizýshisi men jolaýshysy zardap shekken joq.
Tártip saqshylary osy derekke qatysty ákimshilik materıal jınady.
«Qazirgi ýaqytta polıtseıler «Qaýipsiz jol» jedel-profılaktıkalyq is-sharasy aıasynda jumys istep jatyr. Maqsat – jol-kólik oqıǵalarynyń aldyn alý, júrgizýshilerdi jol qozǵalysy erejelerin ustanýǵa shaqyrý. Al j yldamdyq rejımin saqtaý, qyraǵylyq jáne jol erejesin buzýǵa jol bermeý – qaýipsizdiktiń kepili», - deıdi SQO PD PPB komandıri Qanat Álimjanov.
