SQO-da aýdandyq ІІB basshysy paramen ustaldy
ASTANA. QazAqparat - 19 sáýirde Sybaılas jemqorlyqqa qarsy is-qımyl ulttyq bıýrosynyń Soltústik Qazaqstan oblysy boıynsha departamenti qylmystyq is boıynsha protsessýaldyq kelisimniń tujyrymdamasy men qaıtadan kvalıfıkatsııalaý úshin jeke tulǵadan 500 myń teńge mólsherinde kezekti para alý kezinde Taıynsha aýdany Іshki ister bóliminiń basshysy polıtsııa polkovnıgi P.V. Martynıýkti qylmys ústinde ustady.
Vedomstvonyń baspasóz qyzmetiniń habarlaýynsha, paranyń jalpy somasy 1 mln 850 myń teńgeni quraıdy.
Qazirgi ýaqytta kúdikti Petropavl qalasynyń ІІD ýaqytsha ustaý abaqtysyna qamaldy.
«Sotqa deıingi tergeý júrgizilýde», - delingen habarlamada.
