20:12, 27 Jeltoqsan 2023 | GMT +5
SQO-da aýdan ortalyǵyndaǵy shyrsha sanaýly mınýtta janyp ketti
Soltústik Qazaqstan oblysy Beskól aýylyndaǵy bas shyrsha janyp ketti, dep habarlaıdy Kazinform.
Áleýmettik jelide janyp jatqan shyrshanyń beınejazbasy tarady.
Kýágerlerdiń aıtýynsha, oqys oqıǵa Qyzyljar aýdanynyń ortalyǵy Beskólde bolǵan.
Órt sóndirýshiler muny rastady.
SQO tótenshe jaǵdaılar departamenti baspasóz qyzmetiniń málimetinshe, búgin saǵat 18.40-ta Qyzyljar aýdandyq órt sóndirý bólimine Beskóldegi ortalyq alańǵa qurylǵan shyrshanyń janyp jatqany týraly habar túsken.
Oqıǵa ornyna eki arnaıy tehnıka jáne 6 órt sóndirýshi jiberildi. Órt mamandar kelgenshe sóndirildi.
Zardap shekkender joq.
Aldyn ala boljam boıynsha, shyrshanyń janýyna elektr symdarynyń qysqa tuıyqtalýy sebep bolýy múmkin.
Posmotret etý pýblıkatsııý v Instagram