SQO-da aýdan ákiminiń orynbasary para aldy degen kúdikpen ustaldy
PETROPAVL. KAZINFORM – Sybaılas jemqorlyqqa qarsy qyzmettiń Soltústik Qazaqstan oblysy boıynsha departamenti óńir aýdandarynyń biriniń ákim orynbasary men bólim basshysyna qatysty sotqa deıingi tergeýdi bastady.
SQO Sybaılas jemqorlyqqa qarsy qyzmettiń málimetinshe, laýazymdy tulǵalar kásipkerlik sýbektisinen 10 mln teńge kóleminde para aldy degen kúdikpen ustaldy. Sheneýnikter qomaqty somany aýdandyq mańyzy bar avtojoldardy aǵymdaǵy jóndeý boıynsha oryndalǵan jumys aktilerine kedergisiz qol qoıǵany jáne jalpy qamqorlyǵy úshin alýy múmkin.
«Tergeý sotynyń sanktsııasymen «qamaýda ustaý» túrindegi bultartpaý sharasy tańdaldy. Tergeý jalǵasyp jatyr. Qylmystyq-protsestik kodekstiń 201-babyna sáıkes ózge aqparat jarııa etýge jatpaıdy. Konstıtýtsııanyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi», - delingen baspasóz habarlamasynda.
Buǵan deıin adam óltirgeni úshin kúdikke ilingen Qazaqstan azamaty Túrkııadan ekstradıtsııalanǵanyn jazǵan edik.
