SQO-da aýa raıynyń kúrt jylynýyna baılanysty eskertý jarııalandy

PETROPAVL. KAZINFORM – Soltústik Qazaqstan oblysynda 13 naýryzdan bastap aýa raıy kúrt jylynady dep boljanǵan.

«Qazgıdromet» RMK SQO fılıalynyń málimetinshe, 13-18 naýryz aralyǵynda oblys aýmaǵyna ońtústik-batys tsıklony áser etedi. Osyǵan oraı aýa temperatýrasy túnde 2-7 aıazdan, oblystyń shyǵysynda -10 aıazdan 0-2 gradýsqa deıin jylynady, al kúndiz -2 gradýstan, keı jerlerde synap baǵanasy +10 gradýsqa deıin kóterilmek.

Sondaı-aq sınoptıkterdiń habarlaýynsha, bul kúnderi sońy jańbyrǵa ulasatyn qar jaýýy yqtımal. Aýa raıynyń kúrt jylynýy da qardyń qarqyndy erýine ákelmek.

Buǵan deıin SQO-da ózenderde muz jarý jumysy júrgizilip jatqanyn jazdyq. Bıyl muz jarý jumystary Petropavl men 8 aýdanda josparlanǵan. Bul úshin Esil men shaǵyn ózenderde 49 ýchaske belgilendi. Bıyl jumsalatyn qarajat ótken jylmen salystyrǵanda 5 ese kóbeıtildi.

Jalpy bıyl SQO-da 116 eldi mekendi sý basý qaýpi joǵary.