SQO-da asyl tuqymdy maldy jeke úı-jaılarda ósirý usynyldy
Óńir turǵyndarynyń 56 paıyzy aýyldy jerlerde turady. Jergilikti bılik mal sharýashylyǵyn damytsa, aýyl turǵyndary táýlik boıy jumyspen qamtylyp, oblys boıynsha óndiris jáne aýylsharýashylyǵy ónimderiniń eksporty artatyndyǵyna senimdi. Oblystaǵy iri qara mal basy qazirgi ýaqytta 441 myńdy quraıdy, olardyń 60% jeke úı-jaılarda. Aýyl sharýashylyǵy basqarmasy bul salanyń damýyn tejep, aýylsharýashylyǵy janýarlarynyń ónimdiligine yqpal etip turǵan faktorlardyń biri dep esepteıdi. Máselen, jeke sharýashylyqtardan qabyldanatyn iri qara mal etiniń salmaǵy 320 kılogramǵa teń, al agrarlyq qurylymdardan keletin iri qara mal etiniń salmaǵy - 400 kg. Jeke menshiktegi saýyndy sıyr súti orta eseppen 3 myń kılogramdy qurasa, aýylsharýashylyǵy kásiporyndarynda bul kórsetkish 29%-ke joǵary.
Óńirde jeke úı-jaılardaǵy janýarlardyń ónimdiligin arttyrý jáne olardyń tuqymdaryn túrlendirý boıynsha belsendi jumys atqarylyp keledi.
«24 myńǵa jýyq asyl tuqymdy iri qara maldan turatyn 40 asyl tuqymdy reprodýktorlar jumys isteıdi. Munda jyl saıyn shamamen 3 myńǵa jýyq asyl tuqymdy mal tóli alynady, bul óńirdiń qajettiligin tolyqtaı jaba alady», - deıdi aýyl sharýashylyǵy basqarmasynyń basshysy Qaırat Omarov.
Ol sondaı-aq, selektsııalyq jáne mal tuqymyn asyldandyrý boıynsha, qoǵamdyq tabyndarda asyl tuqymdy buqa ustaý jáne taǵy basqa jumystarǵa memleket tarapynan sýbsıdııa tóleý túrindegi qoldaý sharalary qarastyrylǵandyǵyn aıtty. Jergilikti bılik 2020 jylǵa deıin jeke úı-jaılardaǵy et ónimderiniń kólemin 6 myń tonnaǵa, sútti - 45 myń tonnaǵa deıin arttyrýdy kózdep otyr. Jyl basynan bergi kórsetkish boıynsha SQO-daǵy mal sharýashylyǵy salasyndaǵy ónim shyǵarý kólemi 11%-ti qurady, aýylsharýashylyǵy janýarlary sanynyń ósimi - 3%.
