SQO-da asyl tuqymdy mal sharýashylyǵynda qutyrma aýrýy tirkeldi

PETROPAVL. QazAqparat – Soltústik Qazaqstan oblysyndaǵy«Alabota» asyl tuqymdy mal zaýytynda qutyrmaǵa qatysty shekteý sharalary engizildi, dep habarlaıdy QazAqparat tilshisi.

«Ashyq normatıvtik-quqyqtyq aktiler» portalynda SQO Taıynsha aýdany Alabota aýyldyq okrýginiń Aqqudyq aýylynda ornalasqan «Plemzavod Alabota» JShS mal fermasy aýmaǵynda shekteý sharalarynyń engizilgeni aıtylǵan.

Oǵan iri qara maldyń arasynda qutyrma aýrýynyń anyqtalý sebep bolǵan.

Seriktestik qazaqtyń aqbas sıyry, angýs, golshteın tuqymdy iri qarany ósirip, satýmen aınalysady.

«Bul sharýashylyqta 395 bas iri qara mal bar. 340-qa jýyq jylqy ustaıdy. Qutyrma aýrýynyń taralýyna jol bermeı, aldyn almasa, zardaby óte úlken. Ol aldymen adamǵa qaýipti. Sondaı-aq maldyń jappaı qyrylýyna ákelip soǵady», - deıdi SQO veterınarııa basqarmasynyń bas mamany Narıman Tasbolatov.

Mamandardyń aıtýynsha, asyl tuqymdy mal zaýytynda bir sıyrdan qutyrma anyqtalǵan.

Jalpy qazir óńirde qutyrma aýrýynyń 10 oshaǵy bar.

Onyń bireýinen, ıaǵnı Tımırıazev aýdany Dokýchaev aýyldyq okrýginiń Dokýchaev aýylyndaǵy «Atameken-Agro-Tımırıazevo» JShS keshendi veterınarııalyq is-sharalardyń júrgizýine baılanysty shekteý is-sharalary toqtatyldy.

Buǵan deıin aýyl ıtiniń qutyrma aýrýyn juqtyrǵanyn aıtqan edik.