SQO-da astyq qoımalary órtenip jatyr
PETROPAVL. QazAqparat - Soltústik Qazaqstan oblysynda 4,8 myń sharshy metr aýmaqty sharpyǵan órt sóndirilip jatyr, dep habarlaıdy QazAqparat tilshisi.
QR ІІM Tótenshe jaǵdaılar komıteti baspasóz qyzmetiniń aqparatyna súıensek, Jambyl aýdanynyń Qaırankól aýylynda astyq saqtalatyn bos qoımalar otqa oranǵan.
«Qaırankól» JShS aýmaǵynda ornalasqan 1,6 myń sharshy metrlik beton qoımanyń aǵashtan jabylǵan tóbesin jalyn sharpydy. Qoıma astyq saqtaýǵa arnap salynǵan.
«Kúshti jeldiń saldarynan órt jaqyn mańda ornalasqan dál osyndaı bos qoımalarǵa ótken. Órtti sóndirýge tótenshe jaǵdaılar departamentiniń órt sóndirýshileri, jergilikti turǵyndar - jalpy 21 adam jáne 5 arnaýly tehnıka jumyldyryldy», - delingen habarlamada.
