SQO-da astyq keptirgish órtendi

PETROPAVL. KAZINFORM – Soltústik Qazaqstan oblysy Novoıshımskoe aýylynda «MasloDel» JShS órt shyǵyp, astyq keptirgish jandy.

Ǵabıt Músirepov atyndaǵy aýdan ákimdiginiń málimetinshe, tehnogendik órt búgin tańǵy saǵat 6.30 shamasynda shyqqan. 

Aldyn ala málimet boıynsha, kúnbaǵys tuqymyn keptirýge arnalǵan qurylǵy órtengen. 

Oqıǵa ornyna jedel túrde órt sóndirý qyzmetteri jumyldyryldy. Tilsiz jaýdy aýyzdyqtaýǵa birneshe aýdannyń órt sóndirýshileri tartyldy. Sondaı-aq SQO TJD mamandary jumyldyryldy. Jalpy sany 35 qyzmetker men 8 negizgi tehnıka jumys istedi.

Órtti sóndirý jumystaryna qosymsha 7 arnaıy tehnıka tartyldy. Olardyń qatarynda assenızator, benzovozdar, 30 metrlik kran, «Jańa Esil» stantsııasynan kelgen órt sóndirý poıyzy, tıegish jáne manıpýlıator bar.

SQO TJD málimetinshe, túske qaraı nysandaǵy órt oqshaýlandy. Kórshi ǵımarattarǵa taralýyna jol berilgen joq. Órtti sóndirýge TJD kúshteri men quraldary, «Aýyl qutqarýshylary» órt sóndirý beketi, sondaı-aq «Qazaqstan temir joly» AQ Aqmola fılıalynyń órtke qarsy qyzmetiniń órt sóndirý poıyzy jumyldyryldy.

Oqıǵa ornynda órt sóndirý shtaby qurylyp, komandalyq-shtabtyq tehnıka arqyly turaqty baılanys qamtamasyz etilgen. Qaza bolǵandar men zardap shekkender joq.

Buǵan deıin Óskemende órtengen jer úıden er adamnyń denesi tabylǵanyn jazǵan edik.