SQO-da astanalyq súıiktisiniń kúıeýin óltirmek bolǵan
PETROPAVL. QazAqparat - Soltústik Qazaqstan oblystyq qylmystyq ister boıynsha mamandandyrylǵan aýdanaralyq sotynda súıikti áıeliniń kúıeýin óltirmek bolǵan er adamǵa úkim shyǵaryldy, dep habarlaıdy «QazAqparat» HAA tilshisi.
Astana turǵyny Fedor Romazanov uzaq ýaqyt boıy turmystaǵy Petropavl turǵynyna ǵashyq bolǵan. Romazanov súıiktisin qyzǵanyp, onyń kúıeýimen turǵanyn qalamaǵan. Er adam qylmys josparyn quryp, 2017 jyldyń 22 qarashasynda Petropavlǵa keledi.
23 qarasha kúni tańǵy saǵat beste medıtsınalyq maska men qolǵap kıgen ol avtoturaqqa barady. Ol súıiktisiniń kúıeýin kútip turady.
Eshteńeden kúdiktenbegen er adam kóligin otaldyryp, Romazanovtyń mashınasyn súırep bershi degen ótinish oryndaýǵa kirisedi. Romazanov mashınaǵa otyryp alǵan soń, aldyn ala daıyndaǵan pyshaǵyn siltep qalady. Alaıda er adam onyń soqqysyna tótep berip, jeńil jaraqat alady. Ol mashınadan shyǵyp úlgeredi.
Romazanov qashyp ketedi. Ony 2017 jyldyń 25 qarashasynda Astanada ustaıdy.
Fedor Romazanov QR QK «Adam óltirýge oqtalý» baby boıynsha aıypty dep tanylyp, 8 jylǵa bas bostandyǵynan aıyrdy.
