SQO-da Ashyq arqyly anyqtalǵan «qyzyl» mártebeli 8 adamǵa 218 myń teńge aıyppul salyndy
SQO sanıtarııalyq-epıdemıologııalyq baqylaý departamenti basshysynyń mindetin atqarýshy Tatıana Gorlovanyń aıtýynsha, turǵyndardyń arasynda jaýapkershiligi tómen, aınalasyndaǵylardyń densaýlyǵy men ómirine beı-jaı qaraıtyndar bar. Bul adamdar Ashyq jobasy arqyly anyqtalyp jatyr.
Óńirde qazirgi ýaqytta sanıtarııalyq talaptardy buzǵan 150 adamǵa qatysty ákimshilik materıal daıyndalý ústinde, keıin aýmaqtyq basqarmaǵa olardy jaýapkershilikke tartý úshin jiberiledi.
«SQO-da qazirgi ýaqytta Ashyq jobasyna 7 857 nysan qosylǵan. Bul nysandarda biz qandaı da bir olqylyqtardy anyqtaǵan joqpyz. Keshegi kúnge deıin «qyzyl» jáne «sary» mártebesi bar 237 adam anyqtalǵan. Sonyń ishinde «qyzyl» mártebesi barlary – 116 adam, qalǵan 121-i «sary» mártebesi barlar. Olarǵa 237 eskertý berildi.
28 talapty buzýshyǵa ákimshilik materıal toltyrylyp, oryndaý úshin aýmaqtyq basqarmaǵa jiberildi. 8 adamǵa aıyppul salyndy. Ol tolyq tólendi, aıyppul mólsheri 218 myń teńge», - deıdi Tatıana Gorlova.
Mamannyń aıtýynsha, óte jaýapsyz adamdar bar. Olar ózderiniń KVI juqtyrǵanyn bilse de úıde otyrmaı, bir kúnde 4-5 qoǵamdyq orynda bolǵan.
Muny Ashyq baǵdarlamasy kórsetip otyr.
«Eger buǵan deıin qytaılyq shtamm juǵýy úshin aýyrǵan adammen 15 mınýt úzilissiz baılanys bolýy kerek desek jáne ınkýbatsııalyq kezeń 14 kúndi alsa, qazir «Delta» shtamy úshin 15 sekýnd jetkilikti, al ınkýbatsııalyq kezeń 5 táýlikke deıin qysqaryp otyr. Eki táýliktiń ishinde adamnyń ókpesi 70-80 %-ǵa deıin zaqymdanýy múmkin. ıAǵnı tez juǵyp, tez damıdy, sonysymen de asa qaýipti. Taǵy bir eskeretin jaıt, onymen jastar kóp aýyryp jatyr. Balalarǵa qaýip bar. Sol sebepti men vırýs tasymaldaýshy ekenin bile tura qoǵamdyq oryndarǵa – ashana dámhanalarǵa, fıtnes zaldarǵa, qonaq úılerge baratyndardy túsinbeımin. Bular jaýapkershilikten jurdaı adamdar», - deıdi sanıtar dáriger.
Buǵan deıin SQO-da ótken táýlikte koronavırýs juqtyrýdyń rekordtyq kórsetkishi tirkelgenin aıtqan edik.
