SQO-da arnaıy jasaq ofıtserleri áıelderdi bosandyrýdy úırenip jatyr
SQO Polıtsııa departamenti baspasóz qyzmetiniń málimetinshe, arnaıy jasaq ofıtserleri aptalyq kýrs aıasynda túrli jaraqattar, súıektiń synýy, qan ketý, kúıik pen úsik shalý jáne taǵy da basqa jaǵdaılarda alǵashqy medıtsınalyq kómek kórsetýdi úırendi.
«Jedel áreket etetin arnaıy jasaq ofıtserleri shuǵyl jaǵdaılarǵa beıimdelgen: olar buǵan deıin parashıýtpen sekirip, qajet bolsa sýǵa da birden súńgip, kómek kórsete alady. Jaýyngerler kóktemgi sý tasqyny kezinde qar sýynan múlik pen maldy qutqarýǵa táýlik boıy kómektesip, halyqtyń rızashylyǵyna bólendi. Endi manekenniń kómegimen bosandyrý protsesine qatysqan qyzmetkerler er adamnyń qolynan kele bermeıtin mashyqty ıgerip jatyr. Kýrsqa qatysqan segiz qyzmetker bosandyrý jaıly túsinik alyp, praktıkalyq daǵdylardy meńgerdi. Bosandyrý protsesin naǵyz týý zalyndaǵy qubylysty kórsetetin manekende úırendi», - deıdi baspasóz qyzmetiniń mamandary.
Arnaıy qurylym qyzmetkerleri kez kelgen ýaqytta jáne aýa raıyna qaramastan, túrli shaqyrtýlar men shtattan tys jaǵdaılarǵa daıyn bolýy qajet. Barlyq sabaqtar dárigerlik tájirıbeniń ár jaǵdaıyna oraı sımýlıatorlarmen jabdyqtalǵan medıtsınalyq oqý ornynyń kabınetterinde ótti.
«Lektsııalardan keıin qyzmet ótkerý kezinde, turmysta qajet bolatyn shuǵyl kómek boıynsha praktıkalyq sabaqtar ótkizildi. ıAǵnı, bul kómek shuǵyl túrde júrek toqtaǵan, kúıik pen úsik shalǵan, ýlanǵan kezde qajet. Ótkizilgen sabaqtardan keıin qyzmetkerler tolyq kólemde medıtsınalyq kómek kórsete alady», - deıdi oblystyq balalar aýrýhanasynyń anestezıologııa jáne reanımatsııa bólimshesiniń meńgerýshisi Nurlan Jaqypov.
Kýrs aıaqtalǵannan keıin JQAJ qyzmetkerlerine paramedıktiń arnaıy sertıfıkaty tabys etildi.
