SQO-da Armenııadan ákelingen 193 avtokólik tirkeldi
SQO Polıtsııa departamenti baspasóz qyzmetiniń málimetinshe, Armenııa Respýblıkasynan ákelingen kólikterdi tirkeý 1-shi maýsym bastalsa, 1 qyrkúıek aıaqtalmaq.
«Qazaqstan Respýblıkasy azamattarynyń Armenııa Respýblıkasynda tirkelgen jekelegen kólik quraldaryn Qazaqstan Respýblıkasyna ákelýi men paıdalanýynyń keıbir máseleleri týraly» QR Úkimetiniń 2020 jylǵy 20 mamyrdaǵy qaýlysynda belgilengen merzimniń aıaqtalýyna 2 aptadan az ýaqyt qaldy. Kólik ıelerin jaqyn arada óz máselelerin sheshýge shaqyramyz. Tirkeý úshin 11 946 teńge qajet. Mamandandyrylǵan halyqqa qyzmet kórsetý ortalyǵy qujattardy saǵat 9.00-den 18.00-ge deıin qabyldaıdy. Qysqa merzimde «sary nómir» alý úshin barlyq jaǵdaılar jasalǵan», - deıdi SQO PD bastyǵynyń birinshi orynbasary Qanat Aıtbaev.
1 qyrkúıekke deıin basqa óńirlerdiń turǵyndary eger olarǵa SQO-da aýystyrýǵa qolaıly bolsa, Petropavl qalasynyń arnaıy halyqqa qyzmet kórsetý ortalyǵyna júgine alady.
«Armıan nómirleri bar kólikti tirkeý úshin jeke basty kýálandyratyn qujat, memlekettik tirkeý jarnasyn tóleý týraly qujat, Armenııa Respýblıkasynyń ýákiletti organy bergen kólik quralyn tirkeý týraly kýáligi jáne kólik quralynyń memlekettik tirkeý nómiri jáne kólik quralynyń qaýipsizdigi týraly sertıfıkat qajet», - deıdi tártip saqshylary.
Petropavl qalasyndaǵy mamandandyrylǵan halyqqa qyzmet kórsetý ortalyǵy Nefteprovodnaıa kóshesi, 7 mekenjaıy boıynsha ornalasqan. SQO PD Protsessıng ortalyǵynyń «Call-ortalyǵy» qaýyrt jelisine 32-00-19, 32-00-22, 8-776-297-84-32 telefon nómirleri arqyly habarlasyp, keńes alýǵa bolady.
