SQO-da ardagerlerge EKSPO-2017 kórmesiniń 160 bıleti syıǵa tartyldy
PETROPAVL. QazAqparat - Soltústikqazaqstandyq tártip saqshylary Otan qorǵaýshy kúni men Jeńis kúnine arnalǵan saltanatty sharany uıymdastyrdy, dep habarlaıdy QazAqparat tilshisi Soltústik Qazaqstan oblystyq ishki ister departamentine silteme jasaı otyryp.
Jıynda eń úzdik qyzmetkerler marapattaldy.
«Otan qorǵaýshy kúni men Jeńis kúni merkeleriniń biriniń artynan biri keletini de jaqsy bir nyshannyń belgisi. Qoǵamdyq tártip pen qylmyspen kúreste ylǵı da aldyńǵy shepte júretin tártip saqshylary úshin patrıotızm, Otanǵa degen mahabbat sııaqty uǵymdardyń mán-mańyzy erekshe. Qashanda erlik, ar-ujdan men tártiptiń úlgisi bolyp kelgen bizdiń ardagerlerimizge shyn júrekten alǵysymdy bildiremin»,-dedi SQO ІІD bastyǵy, general-maıor Berik Bilálov.
Merekelik shara barysynda 60-qa jýyq qyzmetker marapattaldy. Olardyń barlyǵy da óz qyzmetterin minsiz atqaryp, jas mamandarǵa úlgi bolyp júrgender. SQO ІІD jergilikti polıtsııa qyzmetiniń jol-patrýl batalonynyń komandıri Erlan Mádıev podpolkovnık shenin merziminen buryn aldy. Ol ishki ister organdarynda 1998 jyldan beri qyzmet etip keledi.
Arnaıy podpolkovnık ataǵy Esil aýdandyq ishki ister bóliminiń kezekshilik bóliminiń aǵa ınspektor-kezekshisi Oleg ıAnýshkınge berildi. Erlan Mádıev sııaqty ol da ishki ister organdarynda 20 jylǵa jýyq ýaqyttan beri qyzmet etip keledi.
SQO-nyń ishki ister organynyń ardagerlerine ІІD-niń basshylyǵy atynan EKSPO-2017 kórmesine 160 bılet syıǵa tartyldy. Osy kúni tártip saqshylar qyzmet babynda mert bolǵan áriptesteriniń eskertkishine gúl shoqtaryn qoıdy.
