SQO-da Antıkordyń aralasýynan keıin sý tarıfi 50 eldi mekende tómendedi

PETROPAVL. QazAqparat – Soltústik Qazaqstan oblysy Asanov eldi mekeninde turǵyndar bir tekshe metr sýdy myń teńgege satyp alyp kelgen. Sybaılas jemqorlyqqa qarsy qyzmet aralasqannan keıin sý birden 6 ese arzandady, dep habarlaıdy QazAqparat tilshisi.

Sybaılas jemqorlyqqa qarsy is-qımyl agenttigi SQO boıynsha departamentiniń basshysy Sergeı Perovtyń aıtýynsha, óńirdiń 224 aýyly «Esil sý» toptyq sý qubyrynan aýyzsý alyp otyr. Olardyń 50-inde tarıf 16%-dan 87%-ǵa deıin tómendetildi.

«M.Jumabaev aýdanynyń 20 eldi mekeninde sý tarıfi orta eseppen 150 teńgege tómendedi. Bul aýdanda oblystaǵy eń joǵary tarıfter tirkeldi. Máselen, Qaraqoǵa aýylynda, Chıstoe eldi mekeninde 375 teńge, Hleborob aýylynda 400 teńge boldy.

Qyzyljar aýdany Asanov aýylynda sýdyń bir tekshe metri turǵyndarǵa 1 000 teńgege satylyp kelgen. Sybaılas jemqorlyqqa qarsy qyzmettiń aralasýynan keıin aýdan ákimi Býlaev toptyq sý qubyrynan taratý jelisin salý jóninde sharalar qabyldady. Al qazirgi tarıf 6 esege jýyq tómendetildi. Qazir 1 m³ sý 175 teńge turady», - deıdi Sergeı Perov.

Departament basshysynyń aıtýynsha, vedomstvo usynysymen oblys ákimi tabıǵı monopolııalar sýbektilerin «tikeleı» sýbsıdııalaý arqyly «Bir aýyl – bir tarıf» pılottyq jobasyn iske qosý týraly sheshim qabyldady.

Nátıjesinde aýyzsý óńir turǵyndarynyń barlyǵyna teń dárejede qoljetimdi bolmaq.