SQO-da antıkor turǵyn úı-kommýnaldyq sharýashylyq salasyna taldaý jasamaq
Buǵan sońǵy kezde osy salanyń jumysyna qatysty turǵyndardan kelip túsip jatqan aryz-shaǵymdar jáne BAQ-taǵy jarııalanymdar sebep bolǵan.
QR Sybaılas jemqorlyqqa qarsy is-qımyl agenttiginiń SQO boıynsha departamentiniń jaqynda taǵaıyndalǵan basshysy Sergeı Perov oblystyq ákimdikte ótken jıynda avtojol salasy men turǵyn úı-kommýnaldyq sharýashylyq problemalaryn Úkimettiń keńeıtilgen otyrysynda el Prezıdenti jeke atap ótkenin eske saldy.
«Bizge kelip túsetin ótinishterdiń basym kópshiligi turǵyn úı-kommýnaldyq sharýashylyq, abattandyrý jáne kólik salalaryna qatysty. Turǵyndar men kásipkerlerdiń shaǵymdary, eń ózekti máseleler boıynsha BAQ-taǵy jarııalanymdar árbir memlekettik organ úshin tıisti sharalar qabyldaýǵa belgi bolýy tıis. Sybaılas jemqorlyqqa qarsy qyzmet birneshe jyl qatarynan qalalyq jáne aýdandyq ákimdikterdiń turǵyn úı-kommýnaldyq sharýashylyq bólimderiniń laýazymdy tulǵalaryna qatysty qylmystyq is qozǵady. Quqyq buzýshylyq faktileri bıýdjet qarajatyn urlaýda júıeli sybaılas jemqorlyq shemalarynyń bar ekenin kórsetedi», - deıdi Sergeı Perov.
Buǵan deıin Petropavl qalasy ákimdiginiń «Kommýnhoz» kommýnaldyq kásipornyna qatysty janjal shyqqanyn aıtqan edik. Uıymǵa 18 atqarýshylyq is qozǵaldy, onyń bıznes sýbektileri aldyndaǵy jalpy qaryzy 400 mln teńgeden asady. Kásiporyn óziniń sharttyq mindettemelerin oryndamaǵan. ıAǵnı tapsyrystardy alyp, ony atqarýǵa qosalqy merdigerlerge bergen. Al jumys aıaqtalǵasyn, olarǵa tıisti tólemdi jasamaǵan.
«Kásiporyn oryndaýǵa qaýqary jetpese de eshqandaı básekelessiz turǵyn úı-kommýnaldyq sharýashylyǵy bólimimen mlrd-taǵan teńgeniń sharttaryna tikeleı otyryp, keıin jumysty qosalqy merdigerge beredi. Bul qoldanystaǵy zańnamaǵa túbegeıli qaıshy keledi. Sybaılas jemqorlyqqa qarsy qyzmettiń osy kásiporynnyń qyzmetine qatysty suraǵy kóp. Biz bul merdigerlerdi jáne olardyń artynda turǵandardyń bárin bilemiz», - deıdi Sergeı Perov.
Sybaılas jemqorlyqqa qarsy qyzmettiń osy saladaǵy sybaılas jemqorlyq táýekelderine syrtqy taldaýy joldardy jóndeý men kútip ustaýdy, turǵyn úı alý kezegin bólýdi, jolaýshylar tasymalyna baqylaýdy uıymdastyrýdy jáne abattandyrýdy qamtymaq.
«Taldaý qorytyndysy boıynsha, ásirese Petropavl ákimdiginde jáne onyń vedomstvolyq baǵynysty uıymdarynda aýqymdy ózgerister qolǵa alynýy tıis. Atap aıtqanda, qaıta qurylymdap, ońtaılandyrý, barlyq bıznes-protsesterdi tsıfrlandyrýǵa jáne anyqtalǵan sybaılas jemqorlyq táýekelderin tolyq joıýǵa qarajat bólý. Taldaý osy saladaǵy máselelerdi zańsyz sheshý múmkindkterin túbegeıli joıýy kerek», - deıdi departament basshysy.
