SQO-da anonımniń kómegimen 70-ten astam esirtki bıznesiniń jarnamasy joıyldy
PETROPAVL. KAZINFORM – Soltústik Qazaqstan oblysynda esirtki qylmysyna qarsy is-qımyl basqarmasynyń qyzmetkerleri áleýmettik eksperıment júrgizdi.
SQO polıtsııa departamenti baspasóz qyzmetiniń málimetinshe, polıtseıler akterlerdiń kómegine júginip, kóshege «esirtki jasyrýshylardy» shyǵardy. Olar aldyn ala daıyndalǵan mýlıajdy tyqty nemese jasypynǵan «esirtkini» izdedi.
- Maqsat halyqtyń áserin baıqaý, árbir adamnyń esirtkige jáne esirtki qylmysyna qarsy kúreske úles qosa alatynyn eske salý edi. Tártip saqshylary turǵyndardyń áreketine nazar aýdaryp, kimniń bolǵan jaǵdaıdy vıdeoǵa túsirgenin, polıtsııaǵa habarlasqanyn nemese jaı ǵana ótip ketkenin belgiledi.
Orta eseppen árbir besinshi petropavldyq polıtsııaǵa júgindi, olardyń basym bóligi jastar boldy, - dedi SQO PD Esirtki qylmysyna qarsy is-qımyl basqarmasynyń bastyǵy Rýslan Úmbetov.
Jyl basynan beri basqarmanyń senim telefonyna - 5, WhatsApp nómirine 9 habarlama tústi. «102» arnasyna túsken aqparattar boıynsha 3 qylmystyq is qozǵaldy.
Rýslan Úmbetovtyń aıtýynsha, Petropavlda ınternet bıznesimen júıeli kúres júrgizip júrgen anonımdi qoldanýshy bar. Ol kún saıyn derlik polıtseılerge esirtki satatyn ınternet-dúkenderdiń «jarnamalary» men kýrerlerdi izdeý týraly habarlandyrýlardyń siltemelerin joldaıdy. Osylaısha, naýryz aıynan beri onyń kómegimen jastardy nashaqorlyq pen esirtki bıznesine tartýy múmkin 70-ten astam resýrs buǵattaldy.
Buǵan deıin SQO-da túrmege esirtkini dárethana qaǵazy arqyly kirgizbek bolǵan adamǵa qylmystyq is qozǵalǵanyn jazǵan edik.