SQO-da anasy men qyzy ıis tıip, jansaqtaý bólimine tústi
PETROPAVL. QazAqparat – Soltústik Qazaqstan oblysynda anasy men qyzy ıis tıip, jansaqtaý bólimine tústi, dep habarlaıdy QazAqparat tilshisi.
SQO Tótenshe jaǵdaılar departamentiniń baspasóz qyzmetinen málim etilgendeı, oqys oqıǵa Aıyrtaý aýdanyndaǵy Nıkolskoe aýylynda 18 tamyz kúni bolǵan. Mamandardyń aıtýynsha, 46 jastaǵy áıel peshtiń murjasyn erte jaýyp, saldarynan ýly gaz shyqqan. Iis tıgen áıel men onyń 9 jasar qyzy Aıyrtaý aýdandyq aýrýhanasynyń jansaqtaý bólimine jetkizildi. Qazirgi ýaqytta olardyń jaǵdaıy bir qalypty.
Jalpy jyl basynan oblysta 26 adam zardap shekken osyndaı 13 oqıǵa tirkelgen. Saldarynan eki adam kóz jumdy.
