SQO-da alty kól balyq sharýashylyǵyn damytý úshin on jylǵa paıdalanýǵa beriledi
PETROPAVL. KAZINFORM - Soltústik Qazaqstan oblysynda kásipkerlerge balyq sharýashylyǵyn damytýǵa óńirdegi alty kól konkýrs arqyly berilmek. Konkýrs 7 shildege josparlanǵan.
Іs-sharany QR Aýyl sharýashylyǵy mınıstrligi Balyq sharýashylyǵy komıtetiniń Esil oblysaralyq basseındik balyq sharýashylyǵy ınspektsııasy uıymdastyrady. Konkýrsqa óńirdiń úsh aýdanyndaǵy kólder shyǵaryldy.
Máselen, ınvestorlarǵa usynylyp otyrǵan Esil aýdanyndaǵy Mýsıno kóliniń jalpy aýdany 80,4 gektar.
Al, Jambyl aýdanynda birden úsh kól konkýrsqa qoıyldy. Olar - aýdany 100 ga bolatyn Zotovo kóli, ekinshisi - 124,9 ga alyp jatqan Bashennoe kóli jáne 48 ga aýmaqtaǵy Sýatkól kóli.
Qyzyljar aýdanynda aýdany 164,6 ga bolatyn Kamennoe kóli men 33,6 ga-lyq Isakovo kóli konkýrsqa shyǵarylǵan.
Barlyq sý aıdyndary kól-taýarly balyq sharýashylyǵyn júrgizý úshin 10 jyl merzimge beriledi.
Mamandardyń aıtýynsha, konkýrsqa qatysý úshin úmitkerler e-Qazyna portalynda tirkelip, elektrondy tsıfrlyq qoltańbamen rastalǵan ótinim tapsyrýy qajet. Sonymen qatar 100 AEK mólsherinde kepildik jarna tóleıdi.
Buǵan deıin eldegi ózen-kólderdi qorǵaýǵa arnalǵan segiz jospar daıyndalyp jatqanyn jazǵan edik.
