SQO-da Almaty oblysynan kelgen áskerı qyzmetshiler bógetterdi nyǵaıtýǵa kómektesip jatyr
PETROPAVL. KAZINFORM — Soltústik Qazaqstan oblysynda áskerı qyzmetshiler bógetter jáne qorǵanys qurylystaryn nyǵaıtyp jatyr.
Soltústik Qazaqstan oblysy Tótenshe jaǵdaılar departamentiniń málimetinshe, eldi mekenderdi sý tasqynynan qorǵaý maqsatynda Tótenshe jaǵdaılar mınıstrliginiń 28237 áskerı bóliminiń áskerı qyzmetshileri tehnıkamen jáne jergilikti arnaıy qyzmetter jumys istep jatyr.
Qyzyljar aýdanynda 600 qap ınertti materıalmen toltyrylyp, sýdyń jolynda turǵan bógetke 180 metr polıpropılen tóseldi. Bul sharalar eldi mekenderdi sý basý qaýpin tómendetedi.
Petropavl qalalyq ákimdiginiń málimetinshe, óńirde qazir Almaty oblysynan kelgen 100 áskerı qyzmetshi jumys istep jatyr.
— Tótenshe jaǵdaılar mınıstrligine qarasty Baýyrjan Momyshuly atyndaǵy 28237 áskerı bóliminen keldik. Ózimizben birge 80 tehnıka ákeldik, júzý quraldary, motopompalar bar.
Qazir eki topqa bólinip jumys istep jatyrmyz. Elý adam Petropavldaǵy Zarechnyı kentinde, qalǵany Qyzyljar aýdanynda sý tasqynyna qarsy is-sharalarǵa qatysady, — deıdi batalon komandıri Jasulan Hamıtov.
Buǵan deıin SQO-daǵy Úlken Torańǵul kólindegi ylǵal qory byltyrǵymen salystyrǵanda bıyl 74% tómen ekenin jazǵan edik.
