SQO-da alkogol ónimderin daıyndaıtyn jasyryn tseh anyqtaldy

PETROPAVL. QazAqparat – Qarjylyq monıtorıng agenttiginiń Soltústik Qazaqstan oblysy boıynsha departamenti Petropavl qalasynda alkogol ónimderin óndirý boıynsha jasyryn tseh qyzmetiniń jolyn kesti, dep habarlaıdy QazAqparat agenttiktiń baspasóz qyzmetine silteme jasap.

Baspasóz qyzmetiniń málimetterine qaraǵanda, júrgizilgen jedel-izdestirý is-sharalary barysynda qalanyń ónerkásiptik aımaǵy aýmaǵynda úı-jaı anyqtalyp, joıyldy. Onda oblystyń saýda oryndary arqyly satý úshin antısanıtarııalyq jaǵdaıda sýrrogat spırt daıyndalǵan.

Tekserý barysynda kólemi 16 myń lıtrden astam plastıkalyq ydystarǵa quıylǵan spırt jáne quramynda spırt bar suıyqtyq, sondaı-aq sýrrogat spırtin plastıkalyq ydystarǵa quıýǵa arnalǵan qurylǵylar alyndy.

Atalǵan derekter boıynsha sotqa deıingi tergeý amaldary júrgizilýde. QR QPK 201-babyna sáıkes ózge málimetter jarııa etilmeıdi.

Foto: ivteleradio.ru