SQO-da alıment tólemeýshiler men boryshkerler izdestirilip jatyr
PETROPAVL. QazAqparat - Soltústik Qazaqstan oblysynda tártip saqshylary alıment tólemeýshiler men boryshkerlerdi izdestirý boıynsha úsh kúndik aktsııa ótkizdi, dep habarlaıdy QazAqparat tilshisi.
SQO Polıtsııa departamenti baspasóz qyzmetiniń habarlaýynsha, Kóshi-qon qyzmeti basqarmasy uıymdastyrǵan aktsııanyń maqsaty - izdeýdegi tulǵalardyń júrgen jerin anyqtaý.
Aktsııanyń basynda polıtseıler 117 izdep tabýy kerek boldy: onyń ishinde 28 alıment tólemeýshi, 60 boryshker bar. Qalǵan 29 adamǵa «týystyq qarym-qatynasyn joǵaltqan tulǵa» sanaty boıynsha izdeý jarııalanǵan.
«Sottan qujattar kelgennen keıin mıgratsııalyq qyzmettiń mamandary izdestirý sharalaryn qolǵa alady. Reıdter ótkizilip, izdeýde júrgen adam turýy múmkin mekenjaılar tekseriledi. Tabylmaǵan jaǵdaıda onyń sýreti, belgileri basqa óńirlerge jiberiledi. Tabylyp jatsa odan túsinikteme alyp, qajetti qujattardy jınap, isti toqtatý úshin tıisti organdarǵa jiberemiz», - deıdi SQO PD Mıgratsııalyq qyzmet basqarmasynyń bastyǵy Talǵat Ábilev.
Reıd kezinde kóshi-qon qyzmetiniń mamandary túsindirý jumysyn júrgizdi. Turǵyndarǵa Mıgratsııalyq qyzmet ortalyǵynyń jumysy tanystyrylyp, mamandardyń qyzmettik telefon nómirleri berildi. Sondaı-aq boryshkerlerge el aýmaǵynan tys jerlerge tek qaryzyn ótegen jaǵdaıda ǵana shyǵa alatyndyǵy eskertildi.
Aktsııa bastalǵaly oblys polıtseıleri izdeýdegi 22 adamnyń júrgen jerin anyqtady, onyń 8-i alıment tóleýden jaltarǵan bolsa, taǵy sonshasy boryshker jáne 6 adam - týystarymen qarym-qatynasty buzǵan.
