SQO-da alıment tólemegender men boryshkerlerdi izdeý aktsııasy ótip jatyr
PETROPAVL. QazAqparat - SQO ІІD kóshi-qon qyzmetiniń qyzmetkerleri alıment tólemeı júrgender men boryshkerlerdi izdeý aktsııasyn ótkizýde, dep habarlady polıtsııa vedomstvosyna silteme jasap «QazAqparat» HAA tilshisi.
Bul tizimde júzden asa soltústikqazastandyq bar. Olardyń 32-si - balalaryna alıment qaryz. Eki kúnde polıtseıler alıment tólemeı júrgen bes ákeni tapty. Olar 62 boryshkerdiń mekenjaıyn anyqtaýy tıis. Olar tanystaryna ne qarjy mekemelerine qaryzdaryn ótemegen. Petropavl turǵyny úsh jyl buryn kórshisinen 60 myńdaı qaryz alǵan. Alaıda qaryzyn berýge asyqpaǵan. Qaryz bergen er adam sotqa júginedi.
Taǵy bir boryshker Mamlıýt aýdanynan tabyldy. Ol mıllıon teńgeden astam somada qaryzdanǵan. «Aktsııa aıaqtaldy, biraq týystyq baılanysty úzgen adamdardy, boryshkerler men alıment tólemeı júrgenderdi izdeý jalǵasýda. Olardyń mekenjaılaryn aralap, sot sheshimderi men olardyń bolýy múmkin jerler týraly qosymsha derekterdi muqııat zerdeleımiz. Tıisti organdarǵa saýaldardy jańartamyz», - dedi kóshi-qon basqarmasy bastyǵynyń mindetin atqarýshy polıtsııa maıory Talǵat Ábilov.
