SQO-da alıment boıynsha qaryzy bar úsh boryshker sottaldy

PETROPAVL. KAZINFORM – Soltústik Qazaqstan oblysynda bıyl alıment boıynsha qordalanǵan qaryzy bar úsh boryshker qylmystyq jaýapkershilikke tartyldy.

SQO prokýratýrasynyń málimetinshe, qadaǵalaý organynyń úılestirýimen Qazaqstan Respýblıkasy Qylmystyq kodeksiniń 139-baby boıynsha taǵy eki adamnyń isi sotqa jetkizildi, olardyń isi qaralyp jatyr.

Máselen, kámeletke tolmaǵandarǵa arnalǵan mamandandyrylǵan aýdanaralyq sottyń úkimimen kámeletke tolmaǵan balany asyraý týraly alımenttik mindettemeni 6 aıdan astam oryndamaǵany úshin er adamnyń 1 jylǵa bas bostandyǵy shekteldi. Onyń bereshegi 4,9 mln teńgege jetken.

Alıment tólemderin óndirip alý boıynsha sot aktilerin oryndamaǵany úshin Qazaqstan Respýblıkasynyń «Ákimshilik quqyq buzýshylyq týraly» Kodeksiniń 669-babyna sáıkes 23 boryshker ákimshilik jaýapkershilikke tartyldy.

Aıyrtaý aýdandyq sotynyń qaýlysymen alımentshi 5 kún merzimge qamaýǵa alyndy.

Jyl basynan beri quqyq buzýshylyqtardy joıý maqsatynda alıment óndirý máselesi boıynsha quqyq qorǵaý organdaryna 13 usynys jiberilip, nátıjesinde 10 sot oryndaýshysy túrli tártiptik jaýapkershilikke tartyldy.

Jalpy, prokýrorlardyń aralasýymen 13 mln teńge alıment boıynsha qaryz óndirildi.

Qazirgi ýaqytta SQO-da alıment tóleýshilerdiń jalpy qaryzy 240 mln teńge shamasynda.

Buǵan deıin Qyzylordada 250 áıel balasyna alıment tóleýden jaltaryp júrgenin jazǵan edik.