Soltústik Qazaqstan oblysynda alǵashqy qar jaýdy
Soltústik Qazaqstan oblysynda alǵashqy qar jaýdy. Bıyl ótken jylǵa qaraǵanda aq ulpa shamamen bir aıǵa kesh tústi, dep habarlaıdy Kazinform.
Turǵyndar alǵash jaýǵan qardy foto, vıdeoǵa túsirip, áleýmettik jelide bólisip jatyr.
Posmotret etý pýblıkatsııý v Instagram
Aıtýlarynsha, qazirgi ýaqytta Aıyrtaý aýdanyndaǵy Saýmalkólde qar jatyr.
Posmotret etý pýblıkatsııý v Instagram
Fotosýrettiń astyna Qyzyljar jáne Taıynsha aýdandarynyń turǵyndary jazba qaldyryp, olarǵa da qar jaýǵanyn jazýda.
Búgin «112» qyzmeti daýyldy eskertý jarııalap, turǵyndardy qar aralas jańbyr jaýatynyn jáne jeldiń ekpini sekýndyna 23-28 metrge deıin jetetinin eskertken edi.
Qolaısyz kún raıy erteń – 23 qazan da saqtalmaq. Mamandardyń aıtýynsha, qar aralas jańbyr jaýyp, kóktaıǵaq bolýy múmkin. Soltústik-batystan soqqan jel ońtústik-batysqa aýysyp, ekpini 15-20 m/s jetedi, keı jerlerde 28 m/s deıin kúsheıýi yqtımal.
Qazirgi ýaqytta Petropavlda aýa temperatýrasy -1 gradýsty kórsetip tur. Túnde -3 gradýsqa deıin tómendemek.
Osyǵan oraı polıtseıler jolda abaı bolyp, avtokólik dońǵalaqtaryn der kezinde qysqy rejımge aýystyrýdy eskertip jatyr.
Esterińizge salaıyq, byltyr alǵashqy qar shamamen bir aı buryn, 27 qyrkúıekte túsken edi.
Aıta keteıik, QazAvtoJol búgin keshke kún raıynyń buzylýyna baılanysty respýblıkalyq mańyzy bar joldarda qozǵalysqa shekteý engizgen bolatyn.
Atap aıtqanda, Aqmola oblysynda saǵat 20.30-dan bastap «Kókshetaý – Atbasar» trassasynda kóliktiń barlyq túrine qozǵalysqa tyıym salyndy.
Sondaı-aq saǵat 22.00-den «Astana – Kókshetaý» avtojolynda («Astana – Şýchınsk – Kókshetaý») shekteý engizý josparlanyp otyr.
