SQO-da áleýmettik jelidegi jazbalary úshin sportshy 6 jylǵa sottaldy
PETROPAVL. KAZINFORM – Soltústik Qazaqstan oblystyq soty apellıatsııalyq shaǵymdy qarap, Aıbas Qońqaevqa qatysty úkimdi ózgerissiz qaldyrdy.
SQO soty baspasóz qyzmetiniń málimetinshe, aralas jekpe-jek túrlerinen kásibı jattyqtyrýshy Palestınany qoldaǵan jazbalary úshin sottalǵan edi. Oǵan «arazdyqty qozdyrý» jáne «polıtsııa qyzmetkerine kúsh qoldaný» baptary boıynsha aıyp taǵylǵan.
Іs materıaldaryna sáıkes, aıyptalýshy «saıası, etnosaralyq jáne dinı sıpatqa ıe» palestınalyq-ızraıldik oqıǵalar men qaqtyǵystarǵa asa qyzyǵýshylyq tanytqan. Ol Izraıl men Palestına arasyndaǵy qaqtyǵysta zardap shekken palestınalyqtardyń beıneleri men vıdeolaryn jarııalap otyrǵan. Sondaı-aq jeke paraqshasyna «Freedom for Palestine», ıaǵnı «Palestınaǵa bostandyq» degen jazba men Palestına týyn ornalastyrǵan. Aıyptaýshy tarap onyń bul áreketin «dinı arazdyqty qozdyrýǵa baǵyttalǵan qylmystyq nıet» dep baǵalaǵan.
Sottalǵan adamnyń týystary saraptama qorytyndylarynyń negizsiz ekenin aıtyp, ony aqtaýdy talap etti.
21 sáýir kúni Esil aýdandyq soty Konqaevty kináli dep tanyp, 6 jylǵa bas bostandyǵynan aıyrýǵa úkim shyǵardy.
Buǵan deıin SQO-da eki balanyń ólimine kináli dep tanylǵan meıirbıkege sot úkimi ózgerissiz qalǵanyn jazǵan edik.