SQO-da aldaǵy tórt jylda 2 myń shaqyrymnan astam jol jóndeledi
PETROPAVL. QazAqparat – Soltústik Qazaqstan oblysynda 2025 jylǵa deıin 2 myń shaqyrymnan astam jol jóndeledi dep josparlanǵan, dep habarlaıdy QazAqparat tilshisi.
Bul týraly «AntıkorLive» jobasynyń tikeleı efırinde SQO ákimdigi jolaýshylar kóligi jáne avtomobıl joldary basqarmasy basshysynyń orynbasary Qanat Beısenov málimdedi.
«Sońǵy jyldary oblysta jol ınfraqurylymy aıtarlyqtaı jaqsardy. 2021 jyly 24,2 mlrd teńgege 813 shaqyrym jol jóndeledi, onyń 117 shaqyrymy 44 eldi mekenniń aýylishilik joly», - dedi Qanat Beısenov.
Sondaı-aq, spıkerdiń aıtýynsha, Instagram áleýmettik jelisinde @upt_ad_sko paraqshasy bar. Jóndeýdiń sapasyna kóńil tolmaǵan jaǵdaıda oǵan fotosýretter men beınematerıaldardy júktep, geolokatsııany belgileýge bolady. Budan basqa «Ashyq bıýdjetterdiń ınteraktıvti kartasy» ınternet-resýrsy jumys isteıdi, ol arqyly kez-kelgen azamat jóndeý jumystarynyń kemshilikteri men zań buzýshylyqtaryn, jol jabynynyń sapasyn tirkeı alady jáne naqty sharalar qabyldanýy úshin ashyq aqparattyq portalǵa jiberýge múmkindigi bar.
«Barlyq jóndeý jumystary aıaqtalǵannan keıin jergilikti mańyzy bar avtomobıl joldarynyń jaqsy jáne qanaǵattanarlyq jaǵdaıdaǵy kórsetkishi 74 %-dy quraıdy», - dep atap ótti Qanat Beısenov.
Jalpy, SQO-nyń áleýmettik-ekonomıkalyq damýynyń 2021-2025 jyldarǵa arnalǵan keshendi josparyna sáıkes joldardy qalypqa keltirýge 115,5 mlrd teńge qarajat bólý josparlanǵan, nátıjesinde 2100 km-den astam jergilikti mańyzy bar joldar jóndelmekshi.
