SQO-da aldaǵy 5 jylǵa arnalǵan jol kartasyn júzege asyrýǵa 900 mlrd teńge jumsalmaq
«Nur Otan» partııasynyń SQOF baspasóz qyzmetiniń málimetinshe, óńirde partııanyń saılaýaldy baǵdarlamasyn iske asyrý jónindegi jol kartasy 30 negizgi nátıje men taıaýdaǵy 5 jylǵa josparlanǵan 99 is-sharany qamtıdy.
Qujatty SQO ákiminiń orynbasary Asqar Saqypkereev oblystyq máslıhat janyndaǵy «Nur Otan» depýtattyq fraktsııasynyń otyrysynda tanystyrdy.
Barlyq is-sharalar saılaýaldy baǵdarlamanyń 7 baǵytyn qamtıdy. Olar – «Ekonomıkalyq turaqty óńir», «Jaıly óńir», «Áleýmettik-baǵyttalǵan óńir», «Jastarǵa arnalǵan óńir», «Baı tarıhy men mádenıeti bar óńir», «Ashyq jáne esep beretin jergilikti organdar» jáne «Qaýipsiz óńir».
Kartany júzege asyrý úshin bıýdjetten 435,4 mlrd teńge jáne 475,1 mlrd teńge jeke ınvestıtsııalar mólsherinde qarajat kózdelgen.
«5 jyl ishinde 70,2 mlrd teńge jergilikti mańyzy bar 2,7 myń km joldy qalypqa keltirýge jumsalady, bul sapaly joldardyń úlesin 69 %-dan 98 %-ǵa deıin arttyrýǵa múmkindik beredi. Oblystyń 142 aýylynda sýmen jabdyqtaý nysandaryn salý jáne jańartý josparlanǵan. Bul maqsattarǵa shamamen 71 mlrd teńge bólinedi. Qurylysta biz jalpy aýdany 1,9 mln sharshy metrden asatyn kóp páterli turǵyn úılerdi iske qosamyz», - dedi Asqar Saqypkereev.
Jalpy barlyq 7 baǵyt boıynsha naqty nátıjeler anyqtalyp, jyldar boıynsha belgilendi.
Máselen, Petropavl qalasynda kópbeıindi oblystyq aýrýhana men qazirgi zamanǵy juqpaly aýrýlar aýrýhanasyn salý, 31 densaýlyq saqtaý uıymyna kúrdeli jóndeý júrgizý, Soltústik Qazaqstan ýnıversıtetiniń oqý-zerthanalyq korpýsyn, stýdentter úshin 1200 oryndyq 2 jataqhanany salý, 50-den astam sport nysandaryn ashý, memlekettik qyzmetterdi 100% avtomattandyrý, polıtsııanyń ýchaskelik pýnktterine online rejımde keskin shyǵaratyn 600-ge jýyq beınekamerany ornatý sekildi jumystar josparlanǵan.
«Jol kartasyna halyqqa bergen ýádelerdi tolyq ári sapaly oryndaý jónindegi barlyq qajetti sharalar endi. Sizder, depýtattar, aldaǵy ýaqytqa qandaı jumystar josparlanǵanyn tolyq kórip otyrsyzdar. Ár shara boıynsha qarjy kózderi kórsetilgen. Endigi mindet, osy jumystyń ýaqytynda oryndalýyn, bólingen qarjynyń maqsatty jumsalýyn baqylaý. Al barlyq sharany iske asyrý halyqtyń ómir súrý sapasy men ál-aýqatyn arttyrýǵa múmkindik beretinin sizder jaqsy túsinesizder», - dep atap ótti «Nur Otan» partııasy óńirlik fılıalynyń tóraǵasy, Soltústik Qazaqstan oblysynyń ákimi Qumar Aqsaqalov.
Jol kartasyn talqylaǵannan keıin depýtattyq fraktsııanyń qatysýymen partııanyń oblystyq fılıaly saıası keńesi bıýrosynyń otyrysy ótti.
Qatysýshylar daýys berip, bir aýyzdan jol kartasyn bekitti.
